Standard & Poor’s daje niehatyŭny prahnoz pa rejtynhach «Biełarusbanka»

Mižnarodnaje rejtynhavaje ahienctva Standard & Poor's prysvoiła AAT «Akcyjanierny aščadny bank «Biełarusbank» doŭhaterminovy i karotkaterminovy kredytnyja rejtynhi kontrahienta na ŭzroŭni «V/V». Prahnoz źmieny rejtynhaŭ — «Niehatyŭny».

Jak adznačajecca ŭ paviedamleńni ahienctva, rejtynhi adlustroŭvajuć značnyja dyspraporcyi ŭ ekanomicy i vysokija ryzyki apieracyjnaha asiarodździa ŭ Biełarusi (rejtynhi pa abaviazacielstvach u zamiežnaj valucie: «V/Niehatyŭny/V»; rejtynhi pa abaviazacielstvach u nacyjanalnaj valucie: «V+/Niehatyŭny/V»).

«Jany [rejtynhi] taksama adlustroŭvajuć vysokija kredytnyja ryzyki, jakija ŭzmacniajucca značnaj dolaj kredytavańnia, što ažyćciaŭlajecca ŭ adpaviednaści sa śpiecyjalnymi dziaržaŭnymi prahramami, asłableńnie pakazčykaŭ prybytkovaści i stratehiju chutkaha rostu, — adznačyła kredytny analityk Standard & Poor's Aniet Es. — Upłyŭ hetych niehatyŭnych faktaraŭ častkova źmiakčaje status banka jak arhanizacyi, źviazanaj ź dziaržavaj, jakaja maje vielmi vysokuju vierahodnaść atrymańnia ekstrannaj padtrymki z boku dziaržavy, zajmaje daminavalnaje stanovišča na nacyjanalnym rynku i atrymlivaje stabilnaje finansavańnie za košt depazitaŭ».

U Standard & Poor's ličać, što «Biełarusbank» maje vielmi vysokuju vierahodnaść atrymańnia svoječasovaj i dastatkovaj ekstrannaj padtrymki ad dziaržavy ŭ vypadku stresavaj finansavaj situacyi. Razam z tym, z punktu hledžańnia ekśpiertaŭ,

«vysokaja kredytnaja ryzyka „Biełarusbanka“ nie ŭ poŭnaj miery adlustroŭvajecca ŭ pakazčykach jakaści aktyvaŭ, nazvanych u jaho spravazdačnaści».

Resursnaja baza «Biełarusbanka» aceńvajecca jak stabilnaja, uličvajučy dobry dostup banka da roźničnych, karparatyŭnych i dziaržaŭnych depazitaŭ, a taksama da dziaržaŭnaha finansavańnia.

«Prahnoz «Niehatyŭny» pa rejtynhach «Biełarusbanka» adlustroŭvaje prahnoz pa suvierennych rejtynhach Respubliki Biełaruś, abumoŭleny nizkim uzroŭniem źniešniaj likvidnaści krainy ŭ vyniku vielmi vysokaha deficytu pa rachunku najaŭnych apieracyj, što, u svaju čarhu, ujaŭlaje ryzyki dla biełaruskaj ekanomiki, u asnoŭnym padkantrolnaj dziaržavie, i niehatyŭna ŭpłyvaje na finansavyja i biźnies-charaktarystyki «Biełarusbanka», — padkreśliła Aniet Es.

Standard & Poor's moža panizić rejtynhi «Biełarusbanka» ŭ vypadku panižeńnia suvierennych kredytnych rejtynhaŭ pa abaviazacielstvach ŭ zamiežnaj valucie abo acenki ryzyki abmiežavańnia pieravodu i kanviertacyi valuty dla biełaruskich niesuvierennych pazyčalnikaŭ, a taksama ŭ vypadku asłableńnia charaktarystyk ułasnaj kredytazdolnaści banka, asabliva paharšeńnia jakaści aktyvaŭ abo likvidnaści.

Pierahlad prahnozu pa rejtynhach «Biełarusbanka» na «Stabilny» adbudziecca ŭ vypadku anałahičnaha pierahladu prahnozu pa suvierennych rejtynhach pry ŭmovie, što jakaść aktyvaŭ i resursnaja baza banka stabilizujucca va ŭmovach składanaha apieracyjnaha asiarodździa, niahledziačy na rezkaje pavieličeńnie rynkavaj doli.

• 0
• 0
• 0
• 0
• 0
• 0
• 0
• 0