Hazieta «Uzhorak» atrymała papiaredžańnie ad Ministerstva infarmacyi
Niezaležnaja hazieta «Uzhorak», jakaja vydajecca ŭ horadzie Horki Mahiloŭskaj vobłaści, atrymała papiaredžańnie ad Ministerstva infarmacyi. Pra heta paviedamiła redaktar vydańnia Halina Budnaja.
Ja atrymała siońnia, 14 krasavika, list ź Minska ź Ministerstva infarmacyi, — raspaviadaje Halina Budnaja. — U liście paviedamlajecca, što haziecie «Uzhorak» vyniesiena papiaredžańnie za šerah parušeńniaŭ. Pieršym punktam idzie toje, što my nie ŭviedamili ministerstva infarmacyi ab źmienie redaktara haziety (były redaktar haziety «Uzhorak», viadomy na Mahiloŭščynie žurnalist i hramadski dziejač Eduard Brokaraŭ, pamior ad ciažkaj chvaroby naprykancy 2010 hoda). Taksama čyńnikami dla vyniasieńnia papiaredžańnia stała adsutnaść u niekalkich numarach haziety
Halina Budnaja adznačyła, što žurnalisty «Uzhorka» nie pahadžajucca z tym, što mieli miesca niekatoryja parušeńni, za jakija ministerstva infarmacyi vyniesła papiaredžańnie haziecie.
Hazieta «Uzhorak» raspaŭsiudžvajecca ŭ Horackim, Drybinskim i Mścisłaŭskim rajonach Mahiloŭskaj vobłaści, karystajecca papularnaściu siarod čytačoŭ. Jana rehularna źmiaščaje ŭ svaich numarach alternatyŭnuju infarmacyju ab padziejach u krainie, materyjały, uźnimajučyja miascovyja prablemy. Tak, u apošnim numary haziety źmieščany vialiki prablemny materyjał, pryśviečany akcyi pratesta horackaha pradprymalnika Andreja Bažko, jaki damahaŭsia vypłaty zaroblenych hrošaj šlacham praviadzieńnia haładoŭki i pikietavańnia miascovaha PMK.
Kamientary