Z 1 krasavika49-hadovy žychar Voršy haładavaŭ na znak pratestu suprać prysudaŭ udzielnikam mienskich padziejaŭ 19 śniežnia.
15 krasavika ŭ 20.00 Siarhiej Małaletkin miarkuje vyjści z haładoŭki: spačatku budzie ŭžyvać soki i pacichu pierachodzić na zvykły režym charčavańnia.
Jahonaja haładoŭka prachodziła pad devizam «15 dzion hoładu — zamiest 15 sutak aryštu», bo spadar Małaletkin peŭny, što 15 sutak aryštu — heta maksymalnaje pakarańnie, jakoje mahło b być prysudžanaje za ŭdzieł u «niesankcyjanavanaj akcyi», jak heta kvalifikujecca ŭ administracyjnym zakanadaŭstvie. Tamu pakarańni na hady źniavoleńnia, jakija atrymali apazycyjnyja aktyvisty, jon ličyć vyklučna niespraviadlivymi.
Siarhiej Małaletkin kaža, što haładoŭka dałasia jamu ciažka. Jon musiŭ admianić pryjom lekaŭ, jakija ŭžyvaŭ štodnia z pryčyny chraničnych chvarobaŭ, i schudnieŭ na niekalki kilahramaŭ. Ale jon peŭny, što zrabiŭ słušna:«U mianie čystaje sumleńnie, bo ja nie zastaŭsia ŭbaku ad palityčnych padziejaŭ i pratestavaŭ suprać niespraviadlivaści jak moh. Aprača hetaha, ja šmat maliŭsia. Heta była asablivaja malitva — vierniki mianie zrazumiejuć, što jość adroźnieńnie ŭ malitvie na syty straŭnik i tady, kali adbyvaješ čysty post. U peŭnyja momanty było duža ciažka, ale ja viedaŭ, na što jšoŭ».
Siarhiej Małaletkin užo mieŭ dośvied haładoŭki: adnojčy jon adhaładavaŭ tydzień. 15 dzion biaź ježy, na adnoj vadzie, jon pratrymaŭsia ŭpieršyniu.
«Heta dało mnie maralnaje prava źviarnucca da Ŭładzimira Pucina i Dźmitryja Miadźviedzieva ź listom, dzie było napisana: „Z bolem u sercy prašu vas ździejśnić hodny mužčynski ŭčynak i pierastać zapluščvać vočy na toje, što ciapier adbyvajecca ŭ Biełarusi“. Ale adkazu pakul niama», — raspavioŭ Siarhiej Małaletkin.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary