MUS Biełarusi abnarodavała novyja padrabiaznaści psichałahičnaj charaktarystyki padazravanych u terakcie 11 krasavika.
MUS Biełarusi abnarodavała novyja padrabiaznaści spravy pa vybuchu 11 krasavika.
«Jak paviedamili ŭ Hienieralnaj prakuratury respubliki, havaryć ab psichičnych adchileńniach zatrymanych padstaŭ niama.
U dvuch ź ich jašče sa školnaj łaŭki nazirałasia ciaha da pahłyblenaha vyvučeńnia chimii. Mienavita pa hetym pradmiecie zatrymanyja byli kruhłymi vydatnikami, u toj čas jak ich viedy ŭ inšych halinach aceńvalisia jak vielmi pasrednyja. Akramia taho, adzin z padazronych nieadnarazova stanaviŭsia pryzioram alimpijad pa chimii.Na žal, svaje viedy pa takim składanym pradmiecie maładyja ludzi vyrašyli nakiravać na vyvučeńnie vybuchaniebiaśpiečnych rečyvaŭ», — skazali ŭ MUS.
Siarod inšych rys charaktaru nastaŭniki i byłyja adnakłaśniki adznačajuć zamknionaść abodvuch chłopcaŭ, pryčym ź dziacinstva. «Nie vyklučana, što pryčynaj takich pavodzin stała pieražytaja psichałahičnaja traŭma», — ličać u MUS.
Na dumku pravaachoŭnych orhanaŭ, cikavy i taki fakt.
U školnaj charaktarystycy adnaho z zatrymanych značycca: «… zamkniony, maŭklivy; razmaŭlaje tolki z susiedam pa parcie. Za źniešniaj abyjakavaściu toicca žorstki, biaźlitasny charaktar…».«Ubačyć takija słovy ŭ tekstach aficyjnych dakumientaŭ možna tolki ŭ vyklučnych vypadkach. Asabliva, kali hetyja dakumienty padpisany kłasnym kiraŭnikom i dyrektaram škoły», — padkreślili ŭ MUS.
Na žal, paśla škoły patałahičnaja ciaha da chimičnych ekśpierymientaŭ pa vyrabu vybuchovych rečyvaŭ u adnakłaśnikaŭ nie źmienšyłasia. Ilvinuju dolu infarmacyi i viedaŭ u hetaj halinie jany čerpali ź internetu, a zatym pravodzili vyprabavańni sabranych imi pryładaŭ. Ciapier supracoŭniki pravaachoŭnych orhanaŭ viaduć aktyŭny pošuk takich miescaŭ. Pavodle papiaredniaha mierkavańnia ekśpiertaŭ, za niekalki hadoŭ padazronyja zmahli atrymać i ŭdaskanalić svaje viedy da takoj stupieni, što sabrali mahutnuju vybuchovuju pryładu ź vialikim absiaham paražeńnia.
Pa spravie ab vybuchu na stancyi «Kastryčnickaja» zatrymany piać čałaviek. Adnosna dvuch vybrana miera strymańnia ŭ vyhladzie zaklučeńnia pad vartu. Heta niepasredny vykanaŭca terarystyčnaha akta i adna asoba, jakaja akazvała jamu sudziejańnie. U vyniku vybuchu zahinuli 13 čałaviek, paciarpieli kala 200 čałaviek.
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary