Praces Vinahradava, Kirkieviča, Drazda, Pratasieni. Dzień treci
Sudmiedekśpierty nie paćvierdzili traŭmy ŭ śpiecnazaŭcaŭ — i navat pabituju jahadzicu namieśnika kamandzira roty śpiecnaza milicyi Siarhieja Łuščyka. Abvieščany pierapynak da 4 maja, 10.00
27 krasavika ŭ Kastryčnickim sudzie pačaŭsia razhlad spravy ŭpartaha aktyvista apazicyi Paŭła Vinahradava, junaka z Hrodna Alesia Kirkieviča, archivista Źmitra Drazda, Andreja Pratasieni i Uładzimira Chamičenki (ahient «Navušnik»).
Abvieščany pierapynak da 4 maja, 10.00
---------------------------
16.58. Prakuror chacieŭ zadać pytańnie Kirkieviču, ale zabyŭsia, što chacieŭ skazać. Praz chvilinu uzhadaŭ- adkul u Alesia šnar? — «Atrymaŭ dubinkaj pa hałavie», — adkazaŭ Kirkievič.
16.57. Vinahradaŭ zajaŭlaje, što nie budzie adkazvać ni na jakija pytańni ŭdzielnikaŭ sudovaha pracesu.
16.56. Minharvykankam adkazaŭ, što nie moža pradastavić videazapisy z Płoščy, bo tyja nie zachoŭvajucca tak doŭha.
16.15. Pačynajecca začytvańnie čarhovaha, šostaha toma spravy.
16.10. Prakuror začytvaje pratakoły vobšukaŭ u abvinavačanych.
15.34. Nie paćvierdziłasia adna z «klučavych» traŭm — pabitaja jahadzica namieśnika kamandzira roty śpiecnaza milicyi Siarhieja Łuščyka.
15.30. Kolkaść «niedapaciarpiełych» dajšła da druhoha dziesiatku. Sudmiedekśpierty nie paćvierdzili, što śpiecnazaŭcy byli źbityja. Niekatoryja «paciarpiełyja» navat nie prychodzili na ekśpiertyzu.
15.25. U sumnaviadomaha śpiecnazaŭca Davidoviča dyjahnaz taksama nie paćviardziŭsia. Jahonyja paškodžańni dziasny i nižniaj skivicy z sudovaha punktu hledžańnia nie ličacca abjektyŭna dakazanymi.
15.20. Začytvajucca vypiski, jakija datyčycca charaktaru traŭm «paciarpiełych». U bolšaści vypadkaŭ stupień paškodžańnia «vyznačyć nie ŭjaŭlajecca mahčymym». Heta značyć, što traŭmy byli niaznačnyja. Pry takich traŭmach balničnyja nie vydajucca.
15.00. Najpadrabiaźniejšy pieralik butelek z Płoščy praciahvajecca ŭžo paŭhadziny. Byli butelki płastykavyja i šklanyja, maleńkija i vialikija, z žoŭtymi i zialonymi kryšačkami, niekatoryja ź ich defarmavanyja, a niekatoryja — cełyja.
14.35. Prakuror nastolki pierakanaŭča začytvaje adzin za adnym pratakoły ahladu Płoščy, što kursanty MUS na zadnich šerahach zały zadramali. Sa słoŭ prakurora składvajecca ŭražańnie, što ŭsia płošča była zasypana butelkami «Banakvy», pryčym kožnaja z haručaj vadkaściu i «ź biełaj tkaninaj, pałova jakoj znachodzicca ŭ butelcy, pałova — zvonku».
14.10. Asabliva prakuroru spadabaŭsia važny rečavy dokaz — «kryška ad unitaza biełaha koleru».
14.05. Praces praciahvajecca. Prakuror začytvaje vyniki ahladu Płoščy Niezaležnaści paśla mitynhu. Tut i kanistra ź bienzinam, i bałončyki z hazam, i pruty. Prakuror aburajecca biazhramatnaściu składalnikaŭ dakumienta — vadkaść tut «horiuŝaja».
12.52
Abvieščany pierapynak da 14.00.
11.48
Sudździa praciahvaje začytvać śviedčańni milicyjantaŭ, jakija adsutničajuć na pracesie.
11.40
Skončyŭsia dopyt ekśpiertaŭ. Ludziej znoŭ zapuskajuć u zału suda.
10.50
Sudździa paprasiła ŭsich pakinuć zału.
10.48
Źjavilisia ekśpierty, jakija pravodzili psichičnuju ekśpiertyzu ŭ adnosinach da Chamičenki. Jany prosiać nie ahałošvać vyniki ekśpiertyzy i ich dopyt pravodzić u zakrytym pasiadžeńni.
10.46
Začytvajucca śviedčańni druhoha milicyjanta. U abodvuch vypadkach havorycca pra abrazy i maciuki z boku mitynhoŭcaŭ, źbićcio milicyjantaŭ.
10.39
Buduć začytvać śviedčańni paciarpiełych milicyjantaŭ, jakija nie źjavilisia ŭ sud. Advakaty suprać. Maŭlaŭ, varta, kab jany prysutničali. Sudździa pryniała rašeńnie začytvać, bo pryčyny ich adsutnaści ličyć vyklučnymi.
10.37
«Čamu mitynhoŭcy viali siabie ahresiŭna ŭ adnosinach da vas, kali nie było zaklikaŭ da hvałtoŭnych dziejańniaŭ?», — pytańnie advakata. Davidovič nie viedaje. Davidoviča adpuskajuć, bo jamu treba źjavicca ŭ sud Partyzanskaha rajona Minska (hety ž budynak, tolki inšy pavierch).
10.34
«Jakaja meta vašaha vychadu na płošču była?», — zapytała sudździa. Davidovič dakładna adkazać nie zmoh. Maŭlaŭ, šmat infarmacyi było pa racyi, jakuju nielha było razabrać. Upeŭnieny, kab achoŭvać hramadski paradak.
10.31
Kali razarvali ačapleńnie, pa słovach Davidoviča, z usich bakoŭ ich pačali bić. U hety momant śpieradu Davidoviča niečym i udaryli ŭ tvar. Dzie adbyŭsia praryŭ jon nie bačyŭ.
10.26
Druhi raz rotu vyvieli, kali ludziej było mała na płoščy. «Vy bačyli niejkija pradmiety na ziamli», — pytańnie advakatki. «Nie. U mianie byli raźbityja vusny, dziasna, zuby šatalisia». Pretenzij da hetych abvinavačanych Davidovič nie maje.
10.12
Mitynhoŭcy spačatku «cisnuli na nas słovami, ale my nie reahavali».
Kali Davidovič sychodziŭ z płoščy, kaža, što čuŭ, jak niechta z trybuny da čahości zaklikaŭ. Čuŭ dakładna zakliki ruchacca na milicyju, kab prajści da Doma ŭrada.
Nie moža acanić kolkaść ludziej na płoščy.
Raźbili hubu. Ranicaj 20.12 Davidoviča zavieźli ŭ špital. Ale akazali dapamohu i adpuścili.
10.08
Stali ŭ 5–10 miestraŭ ad prystupak u Dom urada, śpinaj da budynka. Kaža, što mitynhoŭcy ich abražali, bačyŭ draŭlanyja čaranki, vudački ŭ rukach ludziej. Paśla, pa jaho słovach, ludzi ŭzialisia za ruki i rušyli na ich. Nahami bili pa ščytach. Ačapleńnie prarvali. Padyšli inšyja śpiecnazaŭcy. Ačapleńnie Davidoviča adyšło, kab pryvieści siabie ŭ paradak. Kaža, što ŭ sasłužyŭcaŭ byli raźbityja hałovy, padrana adzieńnie.
Kaža, što z natoŭpy vykinuli žaleznuju śmietniccu, jakaja patrapiła ŭ ščyty.
10.03
Pačaŭsia dopyt paciarpiełaha Davidoviča, 1975 h.n., kamandzir uzvoda HUUS Minharvykankama.
10.01
Zajšła sudździa.
9.57
Zapuścili ŭsich žadajučych patrapić u zału. Jość volnyja miescy.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma19
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary