Interpoł: Vybuchi ŭ 2008 i 2011 hadach u Minsku ŭčyniŭ adzin i toj ža čałaviek

Interpoł zacikaŭleny ŭ atrymańni infarmacyi ab vybuchovych prystasavańniach, što spracavali ŭ Minsku na śviatkavańni Dnia Niezaležnaści 4 lipienia 2008 hoda i na stancyi mietro «Kastryčnickaja» 11 krasavika 2011 hoda.

Pavodle jaho słoŭ, niahledziačy na adroźnieńni ŭ zaradach vybuchovych prystasavańniaŭ, absalutna jasna, što złačynstvy ŭčyniŭ adzin i toj ža čałaviek. Noŭbł paviedamiŭ, što, zhodna z vynikam pravierki, adbitki palcaŭ padazronaha ŭ vybuchu ŭ 2008 hodzie poŭnaściu supadajuć z adbitkami palcaŭ abvinavačanaha ŭ vybuchu ŭ 2011 hodzie.

Jon padkreśliŭ, što paśla vybuchu 4 lipienia 2008 hoda ŭ Minsku adpiačatki palcaŭ padazronaha ŭžo nastupnym dniom byli ŭ bankach źviestak Interpoła. Praz 24 hadziny paśla vybuchu ŭ minskim mietro Interpoł užo vałodaŭ palepšanaj fatahrafijaj padazronaha.

Pavodle słoŭ Noŭbła, biełaruski bok hatovy byŭ padzialicca infarmacyjaj ab vybuchu ŭ mietro z udzielnikami Jeŭrapiejskaj rehijanalnaj kanfierencyi Interpoła, jakaja hetymi dniami prachodzić na Malcie. «Na žal, takoj mahčymaści jana nie atrymała», — skazaŭ hiensiek. U kanfierencyi pavinien byŭ brać udzieł pieršy namieśnik ministra ŭnutranych spraŭ Biełarusi Aleh Piakarski [uniesieny ES u śpis nievyjaznych pad numaram 82 -- NN]. Ale vizu jamu nie dali.

«Adbyłosia źmiešvańnie palityki ź dziejnaściu pravaachoŭnych orhanaŭ. Takoha być nie pavinna», — zajaviŭ Anatol Kulašoŭ.

Pavodle słoŭ Noŭbła, jon nadaje ciapierašniamu vizitu ŭ Minsk takoje važnaje značeńnie, što ŭpieršyniu ŭ svajoj karjery pakinuŭ aficyjnaje mierapryjemstva Interpoła, jakoje prachodzić na Malcie, i prybyŭ u Biełaruś, kab vyznačyć šlachi dalejšaha supracoŭnictva pravaachoŭnych orhanaŭ i Interpoła. «Tuju infarmacyju, jakoj ja ŭžo vałodaju, pavinny byli atrymać usie ŭdzielniki kanfierencyi na Malcie», — skazaŭ jon.

Jak zaznačyŭ Noŭbł, kiraŭnictvu Mižnarodnaj arhanizacyi kryminalnaj palicyi viadoma, što Saviet biaśpieki AAN z samaha pačatku nie paćvierdziŭ, što vybuch u minskim mietro byŭ terarystyčnym aktam. «Interpoł hatovy paćvierdzić, što heta byŭ mienavita terakt», — zajaviŭ hiensiek arhanizacyi.

Pavodle jaho słoŭ, takoje chutkaje rasśledavańnie złačynstva abumoŭlena niekalkimi faktarami. Heta vysoki ŭzrovień technałohij u krainie i techničnaj asnaščanaści pravaachoŭnych orhanaŭ, jakasnaja praca pravaachoŭnych orhanaŭ i vysoki ŭzrovień ich supracoŭnictva z kalehami ź inšych krain.

• 0
• 0
• 0
• 0
• 0
• 0
• 0
• 0