Pradstaŭniki biełaruskaj apazicyi pieradali ŭ rasijskaje pasolstva ŭ Vilni hrabli
Pradstaŭniki biełaruskaj apazicyi praviali 18 maja kala budynka rasijskaha pasolstva ŭ Vilni akcyju pratestu suprać vydzialeńnia Maskvoj Minsku kredytaŭ.
Akcyja była arhanizavana paśla zajavy Alaksandra Łukašenki ab tym, što Rasija hatova dać Biełarusi kredyty na ahulnuju sumu 6 młrd. dołaraŭ. Paźniej rasijski bok rastłumačyŭ, što razmova faktyčna idzie pra 1 młrd. dołaraŭ u 2011 hodzie z Antykryzisnaha fondu JeŭrAzES (jašče 2 młrd. — u 2012–2013 hadach, plus 3 młrd. — dachody ad pryvatyzacyi). Tym nie mienš padčas akcyi fihuravała ličba 6 młrd.
Prysutnyja pieradali ŭ pasolstva Rasii zvarot i hrabli z nadpisami: «(Niavykananyja) abiacańni», «(Ateistyčnyja) klatvy», «(Pustyja) zapeŭnivańni», «Datacyi (na represii)», — majučy na ŭvazie, što Rasija ŭ vypadku vydzialeńnia čarhovaha kredytu nastupić na tyja ž hrabli, što i raniej.
Udzielniki akcyi pryjšli z płakatami «$6 młrd: humanitarnaja dapamoha katam biełaruskaha naroda», «Kredyt praciahvaje žyćcio dyktatury», «Kupi MAZ: dapamažy pasadzić nievinavatych» i inš.
U akcyi ŭziali ŭdzieł pradstaŭniki štaboŭ kandydataŭ u prezidenty na
U zajavie, jakaja była pieradadziena ŭ pasolstva, havorycca, što «luby kredyt, jaki atrymlivajecca biełaruskaj uładaj, nakiroŭvajecca na apłatu pracy represiŭnaha aparatu roznych dziaržorhanaŭ pa palityčnym pieraśledzie apazicyjnych sił Biełarusi, na ŭtrymańnie vielizarnaha ideałahičnaha, siłavoha aparatu». «Ekanamičnaj racyjanalnaści ŭ vykarystańni srodkaŭ, što vydzialajucca krainie, pavodle vynikaŭ praŭleńnia Łukašenki nazirać nie davodzicca, tady jak prykmiety tatalnaha palityčnaha i ekanamičnaha kryzisu ŭ najaŭnaści», — ličać aŭtary zajavy.
Jany zaklikali kiraŭnictva Rasii «ŭ kantekście najaŭnaha raźvićcia adnosinaŭ pamiž Rasijaj i Biełaruśsiu ŭličvać najpierš intaresy narodaŭ abiedźviuch krain, a nie asobnych ich pradstaŭnikoŭ, jakija nie pryznany mižnarodnaj supolnaściu i z pryčyny peŭnych akaličnaściaŭ vykonvać aficyjnuju pradstaŭničuju rolu dziaržavy».
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary