Baranavickija pradprymalniki źbirajucca ŭ vymušany adpačynak
Jany prosiać kiraŭnikoŭ bankaŭ i miascovuju ŭładu rastłumačyć finansavuju situacyju ŭ krainie.
Indyvidualnyja pradprymalniki Baranavičaŭ zaprasili pradstaŭnikoŭ bankaŭ i miascovaj ułady na schod z prośbaj rastłumačyć finansavuju situacyju ŭ krainie i vyzvalić ich ad vypłaty arendy na čas vymušanaha vodpusku ŭ červieni.
«U suviazi z adsutnaściu zamiežnaj valuty ŭ bankach RB indyvidualnyja pradprymalniki vymušanyja prypynić svaju dziejnaść u červieni», — skazana ŭ zajavie. Zajava, padpisanaje Savietam rynku, pradprymalniki dastavili siońnia kiraŭniku AAT «ASB «Biełarusbanka», načalniku Baranavickaha HAUS i načalniku ŭpraŭleńnia ekanomiki Baranavickaha harvykankama.
«My nie paśpiavajem za rostam kursu valuty, — adznačyŭ pradprymalnik z Alaksiejeŭski rynku. — Ranicaj pradaješ pa adnoj canie, a paśla abiedu zakupačnyja ceny ŭžo vyšej na 20-30-40%! Lepš začynicca i pieračakać, čym pracavać u stratu».
«Pryčyny, pa jakich tarmozicca naša praca, nie zaležać ad nas. U krainie niama stabilnaha kursu dalara, a ŭłady ničoha nie robiać, — adznačyŭ siabra kaardynacyjnaj rady pradprymalnikaŭ Baranavickaha kaaprynku Mikałaj Čarnavus. — Čamu pradprymalniki adny pavinny nieści straty?»
Pa dadzienych Mikałaja Čarnavusa, kolkaść IP, jakija žadajuć syści ŭ vymušany adpačynak, moža dasiahnuć 20%.
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod32
Kamientary