Napiaredadni supolnaha «Kancertu na travie» lidary hurtoŭ «Krambambula» i «J: Mors» Lavon Volski i Ŭładzimir Puhač abviaścili ab dabračynnaj akcyi. Kožny z muzykaŭ pieradaŭ TUT.BY ułasnuju karcinu, jakija ŭžo vystaŭleny na aŭkcyjon. Hrošy, atrymanyja za ekskluziŭnyja łoty, pojduć na lačeńnie Varańki Stašeŭskaj, chvoraj na dziciačy rak.
Toje, što Lavon Volski skončyŭ Minskuju mastackuju vučelniu imia Hlebava i zajmajecca žyvapisam dla dušy, dla mnohich nie sakret. A voś ab mastakoŭskich zdolnaściach Uładzimira Puhača mała chto viedaje.
Imknučysia padtrymać zbor srodkaŭ na lačeńnie Varańki Stašeŭskaj, jakaja pakutuje na dziciačy rak, lidary hurtoŭ «Krambambula» i «J: Mors» prezientavali svaje raboty dla dabračynnaha aŭkcyjonu. Maleńkaja dziaŭčynka pieraniesła ŭžo šeść błokaŭ chimijaterapii i ciapier maje patrebu ŭ apieracyi pa vydaleńni puchliny. Pryblizny košt apieracyi i lačeńnia ŭ izrailskaj klinicy — blizu $ 150 tysiač, ź jakich siońnia sabrana $ 40 tysiač. Kab pačać lačeńnie ŭ bližejšy čas, nieabchodna pieraličyć na rachunak kliniki $ 80 tysiač.
Uziaŭšy ŭdzieł u aŭkcyjonie, vy zmožacie nie tolki atrymać ekskluziŭny padarunak ad ulubionaha muzyki, ale i dapamahčy dziaŭčyncy! Aproč karciny ad Volskaha ci Puhača kožny łot uklučaje padvojny albom (CD+DVD) «Takoha niama nidzie», jaki muzyki asabista padpišuć pieramožcu aŭkcyjonu, a taksama dva kvitki na «Kancert na travie».
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary