Hiendyrektar «Biełtecheksparta» nie kamientuje ŭviadzieńnie sankcyj z boku ZŠA
Hienieralny dyrektar kampanii «Biełtechekspart» Ihar Siemierykoŭ admoviŭsia kamientavać BiełaPAN uviadzieńnie sankcyj z boku ZŠA.
Złučanyja Štaty Amieryki ŭviali sankcyi suprać biełaruskich pradpryjemstvaŭ «BiełOMA» i «Biełtechekspart». Jak vynikaje z paviedamleńnia sajta Dziarždepartamienta ZŠA, padstavaj dla ŭviadzieńnia sankcyj stała «nadziejnaja infarmacyja», jakaja ŭkazvaje na toje, što hetyja kampanii pieradavali ŭ Iran, Paŭnočnuju Kareju ci Siriju abo atrymlivali z hetych krain «abstalavańnie i technałohiju, nazvanuju ŭ śpisach kantrolu za šmatbakovym ekspartam, <…> abo inšym čynam mieli mahčymaść zrabić materyjalny ŭniosak u zbroju masavaha źniščeńnia ci sistemy kryłatych i balistyčnych rakiet».
Sutnaść sankcyj u tym, što ŭradavyja viedamstvy ZŠA na praciahu dvuch hadoŭ nie mohuć nabyvać u zhadanych kampanij abo pastaŭlać im tavary i pasłuhi, a taksama akazvać im padtrymku.
Aprača dvuch biełaruskich pradpryjemstvaŭ, pad sankcyi ZŠA trapili try kitajskija kampanii, piać iranskich, adna paŭnočnakarejskaja, dźvie siryjskija i adna vieniesuelskaja.
Kamientary