Rasijskija techničnyja ekśpierty ŭzłamali apieracyjnuju sistemu iPhone 4. Jany śćviardžajuć, što atrymali dostup da «hihanckich» abjomaŭ infarmacyi, u tym liku vydalenych SMS i parolaŭ da sajtaŭ, na jakija zachodziać uładalniki hadžeta. Pracaj uzłomščykaŭ užo 10 hadoŭ cikavicca FBR.
Rasijskija techničnyja ekśpierty «raskałoli» iPhone 4, a taksama inšyja pryłady, abstalavanyja apieracyjnaj sistemaj iOS4. Hadžety abaronienyja
«Prahramu, z dapamohaj jakoj možna atrymać poŭny dostup da zašyfravanaj infarmacyi hadžetaŭ ad Apple, mohuć kupić tolki pradstaŭniki dziaržavy — pravaachoŭnyja struktury i sudovyja ekśpierty»,— śćviardžajuć u kampanii.
U błohu kampanii jaje hiendyrektar Uładzimir Katałaŭ paviedamlaje, što smartfony iPhone zachoŭvajuć «hihanckuju» kolkaść infarmacyi pačynajučy ad fota, listoŭ elektronnaj pošty i SMS (u tym liku vydalenych), kaardynataŭ miescaznachodžańnia pryłady za apošnija niekalki miesiacaŭ, prahledžanych mapaŭ Google Maps da historyi naviedanych sajtaŭ i parolaŭ da ich u internecie. Źviazacca z Katałavym u sieradu nie ŭdałosia.
Kab atrymać dostup da infarmacyi ŭ iPhone, ekśpierty raspracavali mietad źniaćcia poŭnaj kopii aparata i rasšyfravali dadzienyja.
Dla «ŭskryćcia» nieabchodna, kab hadžet trapiŭ da ekśpiertaŭ, addaleny dostup ciapier niemahčymy.
«Uzłom» uskładniaŭsia tym, što niekatoryja paroli zachoŭvajucca ŭ sistemnym schoviščy i zašyfravanyja ŭnikalnym
Fiederalnaja słužba biaśpieki i Ministerstva ŭnutranych spravaŭ Rasii majuć prahramy, jakija dazvalajuć uzłomvać padobnyja pryłady,kaža kiraŭnik kamiteta pa infarmacyjnaj biaśpiecy Asacyjacyi pradpryjemstvaŭ kamputarnych i infarmacyjnych technałohij Alaksandr Sakałoŭ, ale i prahrama «Ełkamsofta» moža znajści pakupnika, kali budzie siertyfikavanaja, dadaje jon. Pradstaŭnik upraŭleńnia K MUS zajaviŭ, što čuŭ ab hetaj kampanii, ale nie zmoh apieratyŭna prakamientavać pytańnie ab pierśpiektyvach vykarystańnia jaje raspracovak. Pradstaŭnik Apple nie staŭ kamientavać situacyju.
U krasaviku hetaha hoda «Ełkamsoft» pradstaviŭ prahramu, jakaja daje dostup da reziervovych kopijaŭ smartfona Blackberry.
Raspracoŭki kampanii ŭžo pryvodzili da mižnarodnych skandałaŭ.
U 2001 hodzie Fiederalnaje biuro rasśledavańniaŭ aryštavała supracoŭnika «Ełkamsofta» Dźmitryja Sklarava pa abvinavačańni karparacyi Adobe. Jon raspracavaŭ ałharytm prahramy, jakaja dazvalaje abychodzić abaronu elektronnych knih u farmacie Adobe PDF. Kryptohrafa abvinavačvali ŭ parušeńni zakona «Ab abaronie aŭtarskich pravoŭ u ličbavuju epochu», heta pahražała jamu štrafam u $500 tysiač abo turemnym źniavoleńniem na 5 hadoŭ. U 2002 hodzie sud Kalifornii apraŭdaŭ Sklarava.
Pry «ŭzłomie» pryład, vyrablenych Apple, parušajecca intelektualnaje prava kampanii, ličyć ekśpiert u halinie telekamunikacyjnaha prava Anton Bahataŭ. «Niavažna, robicca heta [uzłom] u intaresach dobrych chłopcaŭ abo ŭ intaresach drennych», — ličyć Bahataŭ, dadajučy, što ŭ spravy jość jurydyčnaja pierśpiektyva. Prahrama moža apynucca nie tolki ŭ rukach pravaachoŭnikaŭ, ale i ŭ złamyśnikaŭ, papiaredžvaje i Sakałoŭ.
Kamientary