Biełaruskuju paru na roŭnym miescy aštrafavali na francuzska-šviejcarskaj miažy na 17500 jeŭra
Miažy faktyčna nie isnuje. Ale Šviejcaryja nie ŭ Jeŭrasajuzie, a jany jechali z najaŭnymi. A značyć, zavieźli hrošy ŭ ES biez dekłaravańnia.
Jak piša rehijanalnaja hazieta L'Alsace, francuzskija mytniki spynili biełaruskuju paru jašče 17 žniŭnia 2022 hoda na miažy Francyi i Šviejcaryi.
Mužčynu 40 hadoŭ i jahonaj žoncy 39 hadoŭ, jany jechali sa Šviejcaryi na «Miersiedesie», ich pravieryli na mytni. U mašynie znajšli 11 925 jeŭra.
Čamu ŭvohule adbyvałasia pravierka? Šviejcaryja ŭvachodzić u Šenhienskuju zonu, ale nie ŭ mytny sajuz ES, tamu na jaje miažy z Francyjaj dziejničaje mytny kantrol.
Hrošy nie byli zadekłaravanyja, choć pa praviłach Jeŭrasajuza ŭsie sumy ad 10 tysiač jeŭra treba dekłaravać.
Akramia taho, sankcyjny rehłamient ES u dačynieńni da Biełarusi, pryniaty ŭ suviazi z vajnoj Rasii suprać Ukrainy, zabaraniaje vyvozić jeŭra ŭ Biełaruś. Jak tłumačyła ŭ sudzie pradstaŭnica mytni, hramadzianie Biełarusi, jakija padarožničajuć pa Jeŭrasajuzie, mohuć mieć pry sabie hatoŭkaj tolki toje, što patrebna na darohu: paliva, ježu i žyllo. Suma ŭ mašynie pary była značna bolšaj.
Muž i žonka rastłumačyli na mytni, što viartajucca z adpačynku ŭ Ispanii, a hrošy nibyta vieźli, kab kupić u Hiermanii aŭtamabil. «Hety płan nabyć mašynu ničym nie paćvierdžany», — zajaviła ŭ sudzie pradstaŭnica mytni.
Aproč taho, słužbovy sabaka mytni znajšoŭ u bahažniku «Miersiedesa» hram marychuany. Heta stała trecim abvinavačvańniem: kantrabanda tavaru, niebiaśpiečnaha dla zdaroŭja.
Pra spravu stała viadoma ciapier, praz bolš čym čatyry hady. 15 kastryčnika 2026 hoda kryminalny sud Miułuza razhledzieŭ spravu zavočna i zadavoliŭ patrabavańni mytni. Jon kanfiskavaŭ znojdzienyja hrošy i pryznačyŭ biełarusam try štrafy:
- 11 925 jeŭra za vyvaz jeŭra ŭ Biełaruś;
- 5 587 jeŭra za toje, što nie zadekłaravali sumu zvyš 10 tysiač jeŭra;
- 10 jeŭra za marychuanu.
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»8
Kamientary