Uviedziena dziaržrehulavańnie cenaŭ na sadavinu, syry, miasa, rybu

U Biełarusi zaćvierdžany dadatkovy pieralik sacyjalna značnych tavaraŭ, na jakija moža ŭvodzicca časovaje rehulavańnie cen terminam da 90 dzion. Takoje rašeńnie pryniata pastanovaj Savieta Ministraŭ ad 28 maja 2011 hoda numar 676, paviedamili BIEŁTA ŭ pres-słužbie biełaruskaha ŭrada.

Dakumientam uniesieny dapaŭnieńni ŭ pastanovu ŭrada ad 14 krasavika 2011 hoda numar 495, što zaćvierdziła pieralik tavaraŭ (rabot, pasłuh), ceny (taryfy) na jakija rehulujucca Ministerstvam ekanomiki, Ministerstvam achovy zdaroŭja, abłvykankamami i Minskim harvykankamam.

U pieralik sacyjalna značnych tavaraŭ, ceny na jakija rehulujucca Ministerstvam ekanomiki na termin nie bolš za 90 dzion, uvajšło 13 pazicyj spažyvieckich tavaraŭ.

Heta asnoŭnyja spažyvieckija tavary, jakija vyznačajuć žyćciovy ŭzrovień nasielnictva. Siudy adnosiacca: ryba žyvaja, śviežamarožanaja (akramia dalikatesnych), sieladziec salony, syry z karovinaha małaka ćviordyja i miakkija, jačnyja, aŭsianyja krupy, aŭsianyja kamiaki biez smakavych i inšych dabavak, śviežyja ahurki, pamidory, jabłyki, banany, limony, apielsiny, kava, čaj, kuchonnaja sol (akramia charčovaj marskoj soli), subpradukty ź jałavičyny i śvininy pieršaj i druhoj katehoryj, ź miasa kurej i kuraniat, varanyja kaŭbasy, sasiski, kryvianyja i liviernyja kaŭbasy, sintetyčnyja myjnyja srodki.

Razam z tym ustanoŭlena, što ceny na sacyjalna značnyja tavary, vyznačanyja pastanovaj Saŭmina ad 14 krasavika 2011 hoda numar 495, nie mohuć da 1 lipienia 2011 hoda pavyšacca i pieravyšać uzrovień, zaćvierdžany pa stanu na 28 maja 2011 hoda jurydyčnymi asobami i indyvidualnymi pradprymalnikami, jakija vyrablajuć hetyja tavary.

Takim čynam, padkreślili ŭ pres-słužbie, pryniaćcie pastanovy Savieta Ministraŭ numar 676 nakiravana na spynieńnie nieabhruntavanaha rostu cen na spažyvieckija tavary (pasłuhi).

U metach raźvićcia pastanovy Savieta Ministraŭ ad 28 maja 2011 hoda numar 676 Ministerstva ekanomiki 28 maja taksama pryniało pastanovu numar 79 «Ab handlovych nadbaŭkach na sacyjalna značnyja tavary, ceny na jakija mohuć rehulavacca Ministerstvam ekanomiki Respubliki Biełaruś na praciahu terminu nie bolš za 90 dzion».

U Minekanomiki paviedamili, što hetaj pastanovaj ustanaŭlivajucca hraničnyja maksimalnyja handlovyja nadbaŭki (z ulikam aptovaj nadbaŭki) da adpusknych cen arhanizacyj-vytvorcaŭ abo cen, sfarmiravanych jurydyčnymi asobami i indyvidualnymi pradprymalnikami, jakija zakupili tavar za miežami respubliki, na sacyjalna značnyja tavary. Ceny na ich mohuć rehulavacca Ministerstvam ekanomiki na praciahu terminu nie bolš za 90 dzion. Pastanova Minekanomiki numar 79 maje časovy charaktar i dziejničaje na praciahu 90 dzion, padkreślili ŭ ministerstvie. Hety dakumient taksama nakiravany na spynieńnie nieabhruntavanaha rostu cen na spažyvieckija tavary (pasłuhi).-

• 0
• 0
• 0
• 0
• 0
• 0
• 0
• 0