Ministr finansaŭ Rasii Alaksiej Kudryn stanoŭča aceńvaje pierśpiektyvy vydzialeńnia kredytu Biełarusi z Antykryzisnaha fondu JeŭrAzES. Pra heta jon zajaviŭ 4 červienia ŭ Kijevie pa vynikach pasiadžeńnia ministraŭ finansaŭ krain SND.
«Ja nie mahu havaryć zahadzia, ale dumaju, što ŭsio budzie pavaročvacca pazityŭna», — cytuje Kudryna RIA Novosti.
Jon adznačyŭ, što na siońniašnim pasiadžeńni ministraŭ finansaŭ krain SND byŭ padpisany miemarandum, zadačaj jakoha źjaŭlajecca ŭnifikacyja finansavaj palityki
«Ciapier my pavinny dumać pra nastupny etap sumiesnaj pracy, uzajemadziejničać va ŭsich śfierach finansavaj pracy. Usio heta — mahčymaści dla našaj sumiesnaj pracy», — padkreśliŭ Kudryn.
Jak raniej paviedamlaŭ BiełaPAN, pytańnie ab vydzialeńni kredytu budzie abmiarkoŭvacca siońnia na pasiadžeńni ŭ Kijevie rady Antykryzisnaha fondu JeŭrAzES. Z hetaha fondu Biełarusi moža być vydzielena 3 młrd. dołaraŭ, ź ich u 2011 hodzie — 1,2 miljarda. Pry hetym pieršy tranš moža skłaści 800 młn. dołaraŭ.
Kamientary