U Mahilovie 7 lipienia prajšli čarhovyja sudovyja pracesy ŭ dačynieńni da ŭdzielnikaŭ akcyj maŭklivaha pratestu, što adbylisia 3 i 6 lipienia.
Aktyvist zarehistravanaha ŭ Čechii «Maładoha frontu» Valancinaŭ Łabačoŭ byŭ zatrymany 6 lipienia paśla akcyi. Za ŭdzieł u joj jon asudžany na 12 sutak administracyjnaha aryštu. Abskardžvać sudovaje rašeńnie małady čałaviek nie maje namieru, bo nie bačyć u hetym sensu.
Byli pryniaty rašeńni ŭ dačynieńni da ŭdzielnikaŭ akcyi 3 lipienia. Alaksandru Simanoviču vyniesiena papiaredžańnie. «Amapaviec nie zdoleŭ rastłumačyć, dzie ja byŭ zatrymany, i błytaŭsia ŭ pakazańniach. Heta, mabyć, stała pryčynaj takoha rašeńnia», — paviedamiŭ Simanovič. Jon źbirajecca paraicca z pravaabaroncami nakont abskardžańnia pryhavoru.
Taksama papiaredžańnie vyniesiena maładomu čałavieku pa proźviščy Jakimovič. Pra heta jon paviedamiŭ, šparka vychodziačy z budynka suda.
Taksama byli vyniesieny sudovyja rašeńni ŭ dačynieńni da žurnalista Alesia Asipcova (10 sutak aryštu), Alaksandra Kisialova (5 sutak) i Vitala Zabłockaha (štraf 30 bazavych vieličyń).
8 lipienia čakajucca sudy nad astatnimi zatrymanymi. Siarod ich — pravaabaronca Barys Buchiel i staršynia mahiloŭskaj arhanizacyi Tavarystva biełaruskaj movy imia Franciška Skaryny Aleh Dziačkoŭ.
Pavodle ŭdakładnienych źviestak, 6 lipienia na akcyi maŭklivaha pratestu ŭ Mahilovie było zatrymana vosiem čałaviek.
Kamientary