Prahnoz nadvorja na 15–17 lipienia.
Pavodle prahnozaŭ Respublikanskaha hidramieteacentra, u najbližejšyja sutki, 15 lipienia, u Biełarusi čakajecca pachmurna z prajaśnieńniami. Pa Bresckaj, Hrodzienskaj, Minskaj i Viciebskaj abłaściach karotkačasovyja daždžy, navalnicy. Miescami mocnyja liŭni, u dzionnyja hadziny ŭ asobnych rajonach hrad. Viecier paŭdniovy 5—10 m/s, pry navalnicach miescami škvalistaje ŭzmacnieńnie da 15—20 m/s. Tempieratura pavietra: minimalnaja nočču 16—22°S,
maksimalnaja dniom 28—33°S, pa paŭnočnym zachadzie 22—27°S.
U Minsku ŭ piatnicu pachmurna z prajaśnieńniami. Nočču bieź istotnych apadkaŭ, dniom karotkačasovy doždž, navalnica. Viecier paŭdniovy 5—10 m/s, pry navalnicy miescami pa horadzie škvalistaje ŭzmacnieńnie da 15—20 m/s. Tempieratura pavietra: minimalnaja nočču 18—20°S,
maksimalnaja dniom kala 30°S.
16 lipienia sinoptyki prahnazujuć pa krainie pachmurnaje z prajaśnieńniami nadvorje. Na bolšaj častcy terytoryi projduć karotkačasovyja daždžy, miescami mocnyja. U asobnych rajonach navalnicy, dniom mahčymy hrad. Viecier paŭdniovy, ź pierachodam na paŭnočna-zachodni 5—10 m/s, pry navalnicach paryvy da 15—20 m/s. Tempieratura pavietra: minimalnaja nočču 16—22°S, pa paŭnočnym zachadzie 12—15°S;
maksimalnaja dniom 21—28°S, pa paŭdniovym uschodzie 29—32°S.
17 lipienia ŭ Biełarusi čakajecca pieramiennaja vobłačnaść. U paŭdniova-ŭschodnich rajonach karotkačasovyja daždžy, navalnicy. Viecier paŭnočna-zachodni, paŭnočny 3—8 m/s, pry navalnicach paryvy da 14 m/s. Tempieratura pavietra: minimalnaja nočču 10—17°S, pa paŭdniovym uschodzie 18—20°S,
maksimalnaja dniom 22—29°S.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary