Hałoŭny trenier BATE Viktar Hančarenka napiaredadni matču ŭ adkaz 2-ha kvalifikacyjnaha raŭnda Lihi čempijonaŭ suprać «Linfiłda» raspavioŭ ab padrychtoŭcy kamandy i stanie traŭmavanych,.
«Padrychtoŭka prachodzić u štatnym režymie. Paśla prylotu byŭ vychodny, a potym prystupili da adnarazovych trenirovak. Na ščaście, usie hulcy ŭ strai za vyniatkam. Šytaŭ, Radzivonaŭ i Hardziajčuk hatovyja da hulni. Zaŭtra treba budzie nialohki vybar jak pry vyznačeńni startavaha składu, tak i pry vybary tych, chto trapić u zajaŭku.
Šytaŭ i Radzivonaŭ dobra hatovyja, dla mianie heta ŭ niejkaj miery niečakana, što jany tak chutka adnavilisia. Toj ža Šytaŭ prapuściŭ šmat, ale znachodzicca ciapier u dosyć dobrym stanie. Radzivonaŭ ŭ ahulnaj hrupie, pierad hulnioj vy ŭsio ŭbačycie.
Spadziajemsia prajści ŭ nastupny raŭnd, heta hałoŭnaja zadača. Ci buduć źmieny? Naturalna, my niešta papravim, kab vyhladać lepš», - skazaŭ Hančarenka.
Nahadajem, BATE zhulaje suprać «Linfiłda» 19 lipienia na haradskim stadyjonie Barysava. Pačatak sustrečy ŭ 19:00. Pramaja tranślacyja na telekanale ŁAD.
Pieršy matč u Biełfaście skončyŭsia ź likam 1:1.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje29
Kamientary