Zborniki zadańniaŭ centralizavanaha testavańnia 2011 hoda pastupili ŭ prodaž
Jany vypuščany vydaviectvam «Aviersev».
Jak paviedamlaje aficyjny sajt Ministerstva adukacyi sa spasyłkaj na dyrektara Respublikanskaha instytuta kantrolu viedaŭ Ministerstva adukacyi Biełarusi (RIKV) Mikałaja Fiaśkova, ciaham dvuch bližejšych tydniaŭ usie 14 pradmietaŭ buduć pradstaŭleny ŭ knižnych mahazinach Biełarusi.
Dapamožniki ŭtrymlivajuć usie varyjanty, jakija byli prapanavanyja na ispytach.U knihach taksama dadzieny klučy da pravilnych adkazaŭ i pravilna zapoŭnienyja błanki adkazaŭ.
Na dumku Fiaśkova,
zborniki stanuć dapamožnikam dla padrychtoŭki abituryjentaŭ 2012 hoda,a taksama dapamohuć byłym abituryjentam praanalizavać svaje adkazy i pravieryć abjektyŭnaść acenak.
Dyrektar RIKV raić budučym abituryjentam nie kuplać nielicenzavanyja materyjały centralizavanaha testavańnia i adkazy na pytańni CT na dyskach, u internecie abo zbornikach inšych vydaviectvaŭ. Pavodle jaho słoŭ, jany nie majuć ničoha ahulnaha z testavymi zadańniami, padrychtavanymi dla centralizavanaha testavańnia.
Kamientary