Biełaruskija mytniki pratrymali jaho niekalki hadzinaŭ na miažy. U vyniku inviestar nie paśpieŭ na samalot.
Italjanskaha biznesoŭcu pryniali za «bienzavoza». Jon pryjazdžaŭ u Brest, kab zaklučyć pahadnieńnie pa inviestycyjnym prajekcie, uzhodnienym ź miascovym abłvykankamam. Supravadžaŭ jaho partnior ź Biełarusi. Voś što jon raspavioŭ haziecie «Viačerni Brest»: «Nas zatrymali na miažy i skazali, što dalej ruchacca nie majem prava, pakolki ja sustrakaŭ hościa ŭ Varšavie i aficyjna parušyŭ praviła — jedu na aŭto za miažu druhi raz za piać dzion». Pavodle pastanovy Savieta Ministraŭ № 753, jakaja dziejničaje druhi miesiac, hramadzianam sapraŭdy dazvolena tolki raz na piać sutak na aŭtamabilnym transparcie vyjazdžać z krainy. Kali čałaviek vyjazdžaje čaściej, paliva ŭ jahonym aŭtamabili ličycca ekspartnym tavaram, za jaho treba płacić mytu. Vidavočca kaža:
«Ja mytnikam rastłumačyŭ, što ŭ mianie ŭ aŭtamabili salarki tolki da bližejšaj zapraŭki dajechać — nie padziejničała.Pahadziŭsia vypłacić myta na najaŭnaje ŭ baku paliva — dyk i heta zrabić na miescy niemahčyma, treba ŭ Breście afarmlać!
U mianie kamandzirovačnyja paśviedčańni, viazu zamiežnika na samalot, tolki što było pasiadžeńnie ŭ abłvykankamie pa inviestprajekcie — ničoha nie dapamahaje. Italjaniec ździŭlajecca: što adbyvajecca? A jak jamu ŭsio heta pierakłaści?».
U Dziaržaŭnym mytnym kamitecie dziejańni svaich supracoŭnikaŭ nazyvajuć pravamiernymi. «Kiroŭca musić aformić dekłaracyju na miažy, zapłacić myta ŭ „Biełmytservisie“ — ofis znachodzicca ŭ bližejšym horadzie ad pamiežnaha punkta — i tolki tady viarnucca ŭ ahulnuju čarhu, kab pakinuć miežy Respubliki Biełaruś», — patłumačyŭ dyśpietčar Bresckaj mytni.
Košt myta składaje $0,4 za litr bienzina i $0,29 za litr dyzielnaha paliva.
Kamientary