MZS Polščy: My kansultavali prakuroraŭ nakont Bialackaha, ale jany nie pasłuchali
«Ale prakuratura ŭ našaj krainie źjaŭlajecca orhanam zusim niezaležnym ad uradu».
Spravu vydačy Varšavaj Miensku infarmacyi pra bankaŭski rachunak Alesia Bialackaha ŭ Polščy kamentuje Marcin Basacki, pres-pradstaŭnik Ministerstva zamiežnych spravaŭ Polščy.
Basacki: Ja nahadaju asnoŭnyja fakty. Heta nia Polšča, a Hieneralnaja prakuratura pieradała Ministerstvu justycyi ŭ Miensku bankavyja dadzienyja spadara Alesia Bialackaha, My ličym heta vielmi nieščaślivym vypadkam i absalutna niazhodnym z palityčnaj linijaj Polščy adnosna Biełarusi. Ja taksama nahadaju, što prakuratura ŭ našaj krainie źjaŭlajecca orhanam zusim niezaležnym ad uradu. Ja chaču skazać, što nieŭzabavie paśla 19 śniežnia, paśla pačatku toj niezvyčajna ciažkaj chvali represijaŭ u Biełarusi, MZS pravioŭ kansultacyju z usimi orhanami polskaj dziaržavy, uklučna z Hieneralnaj prakuraturaj, jakraz dziela taho, kab takija sytuacyi nie mahli mieć miesca. My pieraścierahali pierad takimi sprobami z boku biełaruskaha režymu. Ale, na žal, hetyja pieraściarohi, jak vidać, nie padziejničali ŭ adnoj instytucyi, heta značyć, u prakuratury. Čamu? – heta pytańnie da Hieneralnaj prakuratury, a nie da MZS.
Radyjo Svaboda: Značyć, vy nia viedajecie, ci była heta niejkaja biurakratyčnaja niedarečnaść, ci, moža, prakuratura maje inšaje mierkavańnie na temu adnosinaŭ ź Mienskam?
Basacki: Nia viedaju. Ja tolki viedaju, što isnuje instrukcyja Hieneralnaha prakurora dla padnačalenych jamu prakuroraŭ, jakaja kaža, što možna admović u pravavoj dapamozie jakraz u takich vypadkach, jak prośby z boku niedemakratyčnych dziaržavaŭ, takich jak Biełaruś. Jak vidać, niekatoryja čynoŭniki abo prakurory nia słuchajucca svajho šefa. Ale pytańnie pra toje, što dakładna tam padviało, treba nakiravać da prakuratury, a nie da MZS.
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary