Historyja adnaho fotazdymka.
Historyja adnaho fotazdymka.
Da 135-hodździa z dnia naradžeńnia paetki Ciotki (Ałaizy Paškievič), što adznačałasia 15 lipienia, mnohija vydańni raźmiaścili jubilejnyja publikacyi, azdobiŭšy zdymkam maładoj žančyny ŭ śvietłaj sukiency. U redakcyju «NN» źviarnułasia piśmieńnica Lidzija Arabiej, daśledčyca žyćcia i tvorčaści Ciotki. Pavodle jaje słovaŭ, na zdymku — «nieviadomaja asoba».
Ni ŭ adnoj bijahrafičnaj krynicy hetaha fota niama. Jak miarkuje spn.Arabiej, taki kazus staŭ mahčymym dziakujučy internetu. Sapraŭdy, fota «samazvanki» źjaŭlajecca, kali šukaješ zdymki praz pošukavuju sistemu Google.com. Najdaŭniejšy jaje śled, datavany 2007 hodam, vyjaŭleny ŭ Žyvym Časopisie: homielski aŭtar «NN» Siarhiej Bałachonaŭ u svaim błohu apublikavaŭ fota, dasłanaje siabroŭkaj, jakaja śćviardžała, što na zdymku — Ciotka. Sam jon pastaviŭsia da hetaha skieptyčna. Adnak takoj publikacyi było dastatkova, kab vobraz pačaŭ tyražavaca ŭ internecie.
Padabienstva jość, ale ŭsio ž na fota — inšaja žančyna.
Kamientary