U šerahu sielhasarhanizacyj Homielskaj vobłaści padrychtoŭka schoviščaŭ da ŭborki bulby moža być sarvana.Pra heta pradstaŭniki Kamiteta dziaržkantrolu pa Homielskaj vobłaści zajavili pavodle vynikaŭ pravierki vykanańnia daručeńnia Łukašenki ab zabieśpiačeńni zachoŭvańnia bulby tolki ŭ śpiecyjalnych i prystasavanych schoviščach.
U Homielskaj vobłaści adviedzieny pad pieraabstalavańnie ŭ bulbaschoviščy 59 pamiaškańniaŭ, u jakich patrabujecca praviadzieńnie ramontu abo ich madernizacyja. Jak paviedamili BiełaPAN u KDK pa Homielskaj vobłaści, dla praviadzieńnia ramontu Homielski abłvykankam vydzieliŭ sielskahaspadarčym arhanizacyjam ilhotnyja kredyty. Adnak pa stanie na 17 žniŭnia z 58 tolki dźvie sielhasarhanizacyi padali dakumienty na adkryćcio finansavańnia.
Da prykładu, u Dobrušskim rajonie na zapłanavanych dla ramontu, rekanstrukcyi i madernizacyi čatyroch bulbaschoviščach pa stanie na 16 žniŭnia praca nie viałasia, vydzielenyja abłvykankamam ilhotnyja kredyty nie aformleny.
Nie aformleny taksama vydzieleny lhotny kredyt i sielhasarhanizacyjami Rahačoŭskaha rajona.
Anałahičnaja situacyja — u šerahu sielhasarhanizacyj
Miascovymi orhanami ŭłady i kiraŭnikami sielhasarhanizacyj była zaciahnuta pracy pa padbory adpaviednych pamiaškańniaŭ, nie vyznačany hrafiki ramontu i adsutničaje kantrol za ich vykanańniem na miescach.
Infarmacyja dla pryniaćcia mier reahavańnia nakiravana Homielskamu abłvykankamu.
Ciapier čytajuć
Jak u halečy śpivałasia radnia Łukašenki? Małaviadomyja fakty10
Kamientary