Znajomimsia: Australopithecus sediba.
Paleantołahi vyjavili novy vid aŭstrałapitekaŭ, jaki atrymaŭ nazvu Australopithecus sediba. Adrazu piać artykułaŭ z vynikami daśledčykaŭ źjavilisia ŭ časopisie Science, a ich karotki vykład padaje Nature News. Niekatoryja vysnovy prac, u pryvatnaści, zajavu ab tym, što hety vid možna pryličyć da rodu Homo, byli prachałodna sustretyja navukovaj supolnaściu.
Kostki (220 štuk) adrazu niekalkich indyvidaŭ A. sediba byli vyjaŭlenyja ŭ paŭnočnaj častcy Paŭdniova-Afrykanskaj Respubliki ŭ 2008 hodzie. Praanalizavaŭšy suadnosiny izatopaŭ ŭranu-233 i śvincu-205 u reštkach i navakolnym hruncie,
navukoŭcy zmahli vielmi dakładna vyznačyć uzrost kostak - 1,977 miljona hadoŭ z chibnaściu ŭsiaho ŭ 2 tysiačy hadoŭ. Heta aznačaje, što hety vid źjaviŭsia na terytoryi sučasnaj PAR prykładna ŭ toj ža čas, što i čałaviek umieły (Homo habilis).
Analiz pareštkaŭ dazvoliŭ vyznačyć, što budova A. sediba nahadvała adnačasova budovu jak pradstaŭnikoŭ rodu Homo, tak i pradstaŭnikoŭ rodu Australopithecus. Tak, naprykład, stupak novaha vidu (nohi hetych istot byli prystasavanyja dla chady) źmiaščaje kostki, charakternyja dla abodvuch rodaŭ. Akramia hetaha, analiz budovy čerapa aŭstrałapiteka, jaki pamior va ŭzroście 12-13 hadoŭ, dazvoliŭ vyznačyć, što
mozh A. sediba, niahledziačy na nievialiki pamier, nahadvaŭ čałaviečy.
Sami
navukoŭcy zajavili, što novy vid možna razhladać u jakaści prodka sučasnaha čałavieka, pryčym bolš rańniaha, čym čałaviek umieły.Bolšaść śpiecyjalistaŭ prachałodna ŭspryniali hetuju prapanovu, adznačyŭšy, u pryvatnaści, što pierš čym rabić takoha rodu zajavy, nieabchodna pravieści paraŭnalny analiz znojdzienych pareštkaŭ z bolš prymityŭnymi vidami aŭstrałapitekaŭ.
Zusim niadaŭna navukoŭcy vyśvietlili, što
staražytnyja ludzi źmiešvalisia z pradstaŭnikami inšych vidaŭ rodu Homo.Da takoj vysnovy jany pryjšli paśla analizu hienomaŭ pradstaŭnikoŭ niekalkich izalavanych afrykanskich plamionaŭ. Jak minimum dva pracenty hiennaj infarmacyi hetych ludziej apynulisia spadčynaj nieviadomaha vidu, jaki adździaliłasia ad asnoŭnaj haliny prykładna 700 tysiač hadoŭ tamu
Ciapier čytajuć
Škołu dla dziaciej ź psichičnymi asablivaściami ŭ Minsku pierarobiać u kadeckaje vučylišča. Da realizacyi išli 18 hadoŭ12
Kamientary