Vykanaŭčaja rada dyrektaraŭ: zaležyć ad palityki ŭładaŭ.
Pra heta havorycca ŭ paviedamleńni, jakoje raspaŭsiudziła Rada pa vynikach abmierkavańnia postprahramnaha manitorynhu pa Biełarusi. Abmierkavańnie adbyłosia 29 žniŭnia.
Dyrektary adznačyli, što dla atrymańnia finansavaj padtrymki ad fondu «spatrebicca prademanstravać prychilnaść da mocnaj ekanamičnaj palityki i strukturnych reformaŭ».
«Kompleksnaja makraekanamičnaja karekciroŭka i strukturnyja reformy, a taksama ćviordaja palityčnaja prychilnaść da ich praviadzieńnia pryncypova važnyja dla likvidacyi karennych pryčyn uraźlivaści i adnaŭleńnia źniešniaj stabilnaści», — adznačajuć u MVF.
MVF vitaje pryniatyja biełaruskimi ŭładami abaviazańni pa kredytnaj damovie z Antykryzisnym fondam EŭrAzES. Pry hetym dyrektary adznačajuć «važnaść ich ćviordaha i paśladoŭnaha ažyćciaŭleńnia». Jany nazvali plany ŭładaŭ źmienšyć deficyt biudžetu, pavysić pracentnyja staŭki, skaracić finansavańnie dziaržprahramaŭ i ŭnifikavać abmiennyja kursy — «krokami ŭ słušnym kirunku», paviedamlaje Interfaks.
Dyrektary zaklikali ŭłady adnavić źniešniuju stabilnaść šlacham dalejšaha ŭzmacnieńnia žorstkaści
MVF padtrymlivaje «pierachod na płavajučy kurs rubla, kab ustalavać adziny abmienny kurs i zabiaśpiečyć mahčymaść praviadzieńnia nieabchodnaj źniešniaj karekciroŭki».
Dyrektary zaklikali ŭłady prademanstravać niepachisnuju prychilnaść da strukturnych reformaŭ, aktyvizavać liberalizacyju cenaŭ i nieadkładna zabiaśpiečyć poŭnuju pracazdolnaść Banku raźvićcia, jaki stvarajecca ciapier, i Nacyjanalnaha ahienctva pa investycyjach i pryvatyzacyi.
Pavodle MVF, Biełaruś pieražyvaje ekanamičny kryzis, a zroblenyja ŭładami namahańni byli niedastatkovymi, kab adnavić davier rynkaŭ.
Ciapier čytajuć
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary