Mižnarodny valutny fond płanuje ŭ kastryčniku nakiravać čarhovuju misiju ŭ Biełaruś dla praciahu kansultacyj z uładami adnosna ekanamičnaj palityki. Pra heta padčas telefonnaha bryfinhu dla žurnalistaŭ u Vašynhtonie paviedamiŭ kiraŭnik misii MVF u Biełarusi Krys Džarvis.
Čakajecca, što misija budzie pracavać u Minsku 5-17 kastryčnika. Ekśpierty fondu praanalizujuć apošnija padziei ŭ ekanomicy krainy j «daduć niekatoryja dadatkovyja parady».
Pra novuju prahramu finansavaj padtrymki Biełarusi z boku MVF havorka pakul nie viadziecca. Džarvis adznačyŭ, što dla vydzialeńnia kredytu MVF «choča bačyć mocnuju i prademanstravanuju prychilnaść z boku ŭładaŭ, i heta nasamreč nieabchodnaja ŭmova dla prasoŭvańnia da pahadnieńnia».
«My nie možam realna abmiarkoŭvać toje, kolki finansavaj padtrymki Biełarusi nieabchodna, pakul my nie daviedajemsia bolš pra ekanamičnuju prahramu, jakaja lažyć u asnovie», — adznačyŭ jon.
Pazycyja Rady dyrektaraŭ MVF palahaje ŭ tym, što papiarednie nieabchodna «ŭbačyć mocnyja i nahladnyja abaviazacielstvy» z boku biełaruskich uładaŭ na cełym šerahu kirunkaŭ ekanamičnaj palityki, uklučajučy libieralizacyju valutnaha kursa, libieralizacyju cenaŭ, uzmacnieńnie žorstkaści finansava-biudžetnaj palityki, u tym liku ŭ halinie zarobkaŭ.
Pavodle kiraŭnika misii MVF, jość šerah rečaŭ, jakija biełaruskija ŭłady pa-raniejšamu pavinny zrabić: nieabchodnaja «sapraŭdnaja libieralizacyja valutnaha kursa».
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary