20 vieraśnia byŭ zatrymany baćka paciarpiełaj u časie vybuchu ŭ mietro, jaki chadajničaŭ pra admienu śmiarotnaha pakarańnia.
U aŭtorak byŭ zatrymany baćka Inesy Krutoj, paciarpiełaj u časie vybuchu ŭ mietro. U pieršy dzień suda pa spravie teraktaŭ Alaksandr Kruty chadajničaŭ pra admienu śmiarotnaha pakarańnia. Jaho abvinavacili ŭ chulihanstvie.
Alaksandr Kruty — adzin z asudžanych za abrazu Łukašenki. Kryminalnuju spravu pavodle art. 368 KK raspačali ŭ mai 2003 h. Na toj momant jon žyŭ u Niaśvižy, zajmaŭsia pravaabarončaj dziejnaściu. Paśla zaviadzieńnia spravy jaho adpuścili pad raśpisku. Jon źjechaŭ u Minsk, dzie znachodziŭsia da vosieni 2007 hoda. Jon byŭ iznoŭ zatrymany i źmieščany ŭ žodzinskaje SIZA.
24 studzienia 2008 hoda sud Niaśvižskaha rajona pryznaŭ Alaksandra Krutoha vinavatym u publičnaj abrazie Łukašenki. Ale z-za adsutnaści vialikaj pahrozy dla hramadstva jaho vyzvalili ad adkaznaści i spynili spravu. Adnak, damoŭ jon patrapiŭ nie adrazu.
U časie śledstva pravodziłasia sudova-miedycynskaja ekśpiertyza, jakaja vyjaviła ŭ Krutoha paranaidalnuju šyzafreniju. Zamiest vyzvaleńnia jaho nakiravali na lačeńnie ŭ respublikanski psichijatryčny špital u Navinkach.
U lutym 2008 hoda sudovaja kalehija pa kryminalnych spravach Minskaha abłasnoha suda admianiła pastanovu suda Niaśvižskaha rajona i admianiła vytvorčaść pa spravie Krutoha.
U svoj čas Alaksandr Kruty, fizik pa adukacyi, pracavaŭ na Ministerstva abarony, potym staŭ pradprymalnikam.
«Heta bieskampramisny i valavy čałaviek, mieŭ vialiki archiŭ dakumientaŭ, bo nie prapuskaŭ nivodnaha vypadku parušeńnia pravoŭ svaich ziemlakoŭ» — charaktaryzavaŭ u 2007 hodzie Krutoha hramadski aktyvist ź Niaśviža Aleś Jaźvinski.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1313
Kamientary