Pravaabaroncu ź Niaśvižu zatrymali praz 4,5 hady za abrazu prezydenta
Uvieś hety čas Alaksandar Kruty chavaŭsia ad pravasudździa.
Kryminalnuju spravu pavodle art. 368 KK raspačali ŭ traŭni 2003 h. Niaśviskamu pravaabaroncu Alaksandru Krutomu zakidali publičnuju abrazu kiraŭnika dziaržavy — nibyta jon raspaŭsiudžvaŭ ulotki źniavažlivaha źmiestu. Pavodle słovaŭ sp. Krutoha ŭ ich było napisana nastupnaje: «Orhany vłasti skłoniajutsia ko złu (tvoriat zło)». Dalej, pavodle jaho, było napisana: «Ja kažu: Łukašienko ko złu nie skłoniajetsia». «Ko» było napisana asobna, nie moh zrazumieć pravaabaronca, u čym tut abraza.
Paśla taho, jak raspačali spravu, a sp. Krutoha vyzvalili z pastarunku, jon źbieh i dahetul chavaŭsia ad pravaachoŭnych orhanaŭ. Pa słovach jaho svajakoŭ, Alaksandra na dniach zatrymali ŭ Miensku, advieźli ŭ Niaśviž, dzie pratrymali troje sutak. Ciapier jon znachodzicca ŭ Žodzinskim SIZA.
Redaktar i vydaviec niezaležnaj niaśviskaj hazety «Brama» Aleś Jaźvinski raspavioŭ, što A. Kruty z adukacyi fizyk, pracavaŭ na Ministerstva abarony, potym staŭ pradprymalnikam. Adnojčy jamu nie zapłacili za pasłuhu vialikuju sumu i heta pryviało sp. Krutoha da bankructva.
«Kali daviałosia mianiać pašpart, to jon nie mieŭ navat na heta nieabchodnych hrošaj, tak i nie atrymaŭ dakument» — uzhadvaje sp Jaźvinski i vykazvaje dumku, što z hetaj pryčyny niaśviski pravaabaronca nia moh źjechać za miažu.
Pavodle Jaźvinskaha, u Alaksandra Krutoha nia skłalisia adnosiny ź mienskimi pravaabaroncami, jakija ličyli jaho dzivakom. «Jon sapraŭdy pisaŭ svaje zvaroty ŭ kiroŭnyja orhany ŭ advolnaj formie, časam užyvajučy sarkastyčnyja vyrazy» — kaža vydaviec «Bramy». Ale jahonaja praca, a braŭsia A. Kruty nia tolki za palityčnyja, ale j za pobytavyja spravy, časta davała plon.
«Heta bieskampramisny i valavy čałaviek, mieŭ vialiki archiŭ dakumentaŭ, bo nie prapuskaŭ nivodnaha vypadku parušeńnia pravoŭ svaich ziemlakoŭ» — zaznačyŭ sp. Jaźvinski.
Pravaabaronca Valancin Stefanovič patłumačyŭ, što art. 368 KK maje svoj termin daŭniny, jaki, u zaležnaści ad ciažkaści ździejśnienaha pravaparušeńnia, moža składać 2‑3 hady.
«Adnak treba jašče vyśvietlić, ci znachodziŭsia sp. Kruty ŭ vyšuku, bo ŭ takim razie jahonuju spravu musili prypynić».
Padrabiaznaści buduć viadomyja ŭ pačatku nastupnaha tydnia.
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»34
Kamientary