1 kastryčnika prajšło piać matčaŭ27-ha tura čempijanatu Biełarusi pa futbole ŭ vyšejšaj lizie.
Narešcie salihorski «Šachcior» pierarvaŭ biazvyjhryšnuju sieryju, što składałasia z šaści matčaŭ, razhramiŭšy ŭ haściach «Dniapro» 4:0 (pieršy tajm -- 3:0).
A voś mahiloŭcy upeŭniena iduć na dno. I tolki cud ci sieryja ź niekalkich pieramohaŭ zapar vyratuje ich ad vyletu ŭ pieršuju lihu.
Ź likam 3:0 «Biełšyna» vyjhrała ŭ haściach u «Viciebska».
Minskija dynamaŭcy zhulali ŭničyju ŭ haściach z bresckimi — 1:1. Da hetaha ŭ padapiečnych Siarhieja Aŭčyńnikava byli try pieramohi zapar, a pierad hetym (28 žniŭnia) bajavaja — i ź ciažkoj traŭmaj Vitala Radzivonava — ničyja z BATE.
Tyja, chto pryjšoŭ siońnia na staličny stadyjon «Dynama», vidać, byli rasčaravanyja: «Minsk» i žodzinskaje «Tarpieda» zhulali biezhalavuju ničyju — 0:0.
U Hrodnie «Nioman» vyjhraŭ u «Naftana» 1:0
U niadzielu projdzie hulnia BATE — «Homiel» (Barysaŭ, 17:00). Ci zdoleli barysaŭcy adnavicca paśla parazy ŭ Lizie čempijonaŭ ad «Barsiełony» (0:5)?
Stanovišča kamandaŭ BATE — 54 (26 hulniaŭ), Šachcior — 46, Homiel — 42 (26), Dynama Minsk — 42, Biełšyna — 38, Tarpieda, Dynama Brest — 33, Naftan — 31, Minsk — 30, Viciebsk, Nioman — 28, Dniapro — 21.
Da kanca čempijanatu zastałosia 6 turaŭ.
Matčy nastupnaha,28-ha , tura projduć praz tydni, 15-16 kastryčnika.
Bo ŭ nastupnyja vychodnyja — «akno», źviazanaje z matčami jeŭraadboru (Biełaruś u Buchareście 7 kastryčnika zhulaje z Rumynijaj).
A 15 kastryčnika ŭ Minsku, napiaredadni vyjezdu ŭ Miłan, možna znoŭ budzie pabačyć BATE. Hulaje kłub z «Minskam».
Kamientary