Na miescy praviadzieńnia Narodnaha schoda haradskija ŭłady zładzili kirmaš ź pieśniami, plaskami, z tannaj harełkaj i łozunhami pra čarku i škvarku. Na akreśleny “piatačok” za handlovymi kropkami ściahnułasia niedzie 50 čałaviek. Pobač ź imi znachodzilisia hałoŭny ideołah Alaksand Markačoŭ, namieśnik načalnika UUS Siarhiej Mališeŭski, major Andrej Małachaŭ dy proćma tajamničych ludziej u cyvilnym. Udzielnikaŭ schoda zdymali na niekalki kamier, u tym liku apieratar telekanała “Ład” i padpałkoŭnik milicyi Savicki.
Prykładna na piataj chvilinie schoda siabra arhkamiteta Viktar Buzinajeŭ
pačaŭ začytvać pietycyju. U hety ž momant jaho schapili supracoŭniki milicyi i zaciahnuli ŭ mikraaŭtobus.Kiravaŭ “apieracyjaj” Siarhiej Mališeŭski, jaki byŭ apranuty ŭ cyvilnaje. Tym nie mienš ludzi nie razychodzilisia, praciahvali stajać na placoŭcy la handlovaha centa “Vestar”.
Niedzie praz 15 chvilin
paśla zatrymańnia Buzinajeva, ludzi pajšli ŭ adździaleńnie milicyi.Uvieś hety čas za imi išoŭ padpałkoŭnik Savicki (taksama ŭ cyvilnym) i fiksavaŭ usio na videakamieru. Babrujčanie pačali aburacca, patrabavali, kab mužčyna pakinuŭ ich u spakoi, papiaredžvali, što napišuć na jaho zajavu ŭ milicyju. Padyjšoŭšy da adździaleńnia ŭdzielniki schoda daviedalisia, što Viktara Buzinajeva adpuścili.
-Spačatku
milicyjant Siarhiej Procharaŭ chacieŭ skłaści pratakoł, navat “šapku” napisaŭ, - raspaviadaje Viktar Buzinajeŭ, - Ale potym pryjšoŭ major Małachaŭ i vyvieŭ mianie na vulicu.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary