Japoniec Sedzi Tanaka, jakoha ŭžo achryścili «Nojem», pabudavaŭ śfieryčnaje žoŭtaje sudna dla padarožža pa vadzie: taki «kaŭčeh» moža vyratavać padčas razburalnaha ziemlatrusu i cunami, padobnych na tych, što abrynulisia na Japoniju ŭ sakaviku hetaha hoda.
Paśla katastrofy 11 sakavika, jakaja zabrała kala dvaccaci tysiač žyćciaŭ, Tanaka vyrašyŭ vynajści ŭłasny płyvučy srodak, jaki dapamoža vyžyć jak paśla ziemlatrusu, tak i paśla cunami.
«Spačatku ja skanstrujavaŭ jaho ŭ formie paŭśfiery, što, jak mnie zdavałasia, było b najlepšaj formaj, kab vyžyć, ale padčas cunami jano mahło b pieraviarnucca, — skazaŭ Tanaka, prezident vytvorcy abstalavańnia Cosmo Power. — Tamu ja vyrašyŭ źmianić formu na śfieru i zrabiŭ jaho lohka pieranosnym».
Sudna maje kala 1,2 m u dyjamietry, adzin luk, adno akno i dźvie adtuliny dla spusku vady i vientylacyi. Jano zroblenaje z armavanaha płastyku, jaki, pavodle słovaŭ Tanaki, lahčejšy, ale tryvalejšy za stal. Materyjał nie prapuskaje vadu. Jarki žoŭty koler pryznačany dla pryciahnieńnia ŭvahi ratavalnikaŭ. Bolš za toje, maleńki pamier dazvalaje zachoŭvać jaho ŭ siaredniestatystyčnym japonskim domie.
Kampanija paviedamiła pra 700 zamovaŭ na sudna, jakim zacikavilisia pieravažna siemji, partovyja słužby i rybaki.Košt standartnaj madeli składaje 288 tysiač jen ($3800) i $4500 za madel z supraćudarnym paduškami.
«Prynamsi ŭ ludziej, jakija apynulisia ŭnutry kaŭčeha, budzie čas zrabić pieradyšku i padrychtavacca da najhoršaha», — skazaŭ supracoŭnik Cosmo Power.
-
Samsung prapanuje srodak ad młosnaści padčas pajezdki — śpiecyjalny huk sinusoidnaj chvali praz słuchaŭki
-
IT-hihanty masava zvalniajuć supracoŭnikaŭ, kab apłacić vykarystańnie štučnaha intelektu
-
Navukoŭcy razhadali adzin z hałoŭnych sakretaŭ Vialikaj piramidy — jak jana zdoleła vystajać padčas ziemlatrusaŭ
Kamientary