Kłub «Sałtajm» raspačynaje sieryju biełaruskamoŭnych kancertaŭ
13 kastryčnika — pieršy kancert sieryi
Lubiš biełaruskuju muzyku?
Abo, naadvarot, ščyra ličyš, što pa-biełarusku niemahčyma hrać rok abo bluz?
Upeŭnieny, što biełaruskaja muzyka ŭ hłybokim zaniapadzie?
Čuŭ nazvy hurtoŭ, ale nohi nie dachodzili da kancertaŭ?
Słuchaj na svaje vušy! Rabi svaje vysnovy!
Štomiesiac trynaccataha — biełaruskamoŭnyja kłubnyja rok-kancerty ŭ kłubie «Sałtajm» (pr. Niezaležnaści 131/1). Dobraja muzyka z tekstam na svajoj movie — voś i ŭvieś kancept. Startujem 13 kastryčnika!
A raspačniecca sieryja viečaroŭ kancertam hurta «Vierasień». Mienavita 13 kastryčnika hod tamu heta kamanda ŭpieršyniu pradstaviła svaju prahramu ŭ «elektryčnaści». «Nam ciažka vyznačyć styl, u jakim my hrajem, — kažuć muzyki hurta. — U našych pieśniach jość toje-sioje i ad roka i ad bluza, i navat ad aŭtarskaj pieśni… Ale muzyku treba hrać, a nie razmaŭlać pra jaje. Čym my i płanujem zaniacca — pry vašaj padtrymcy».
Pad čas imprezy taksama adbudziecca rozyhryš pryzoŭ i suvieniraŭ ad kampanii «Budźma biełarusami!», after-party z udziełam siabroŭ-muzykaŭ (siurpryz!), nu i, jasnaja sprava, prahučać pieśni hurta «Vierasień» (u tym liku i z novaj prahramy).
Pačatak u 20 hadzin.
Kvitki — 15 tyr. papiarednie, 20 tyr. u dzień kancerta. Zamova pa teł. +375 29 640 09 38
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje19
Kamientary