Dziaŭčynu sprabujuć adličyć z aśpirantury za hramadskuju aktyŭnaść
Taćciana Kasataja zastałasia biez pracy, a ciapier moža pazbavicca i miesca ŭ aśpirantury.
Spačatku joj prapanavali syści pa ŭłasnym žadańni. Kali taja admoviłasia, jaje prosta nie atestavali.
Jaje navukovy kiraŭnik Valeryj Čarapica patłumačyŭ heta tym, što ŭ druhoj hłavie Taćcianinaj dysiertacyi nie ŭbačyŭ ničoha novaha. Heta była spravazdača dziaŭčyny za druhi hod navučańnia ŭ aśpirantury Hrodzienskaha dziaržaŭnaha ŭniviersiteta. Tema jaje pracy — «Dziejnaść jevanhielskich chryścijan-baptystaŭ u BSSR. 1944-1991 hh.»
Taćciana ličyć pretenzii da svajoj dysiertacyi nadumanymi. I źviazvaje nieatestacyju sa svajoj hramadskaj pazicyjaj. Letaś jana ŭdzielničała ŭ zbory podpisaŭ za nadańnie adnoj z vulic Hrodna imia Vasila Bykava, arhanizavanym kampanijaj «Havary praŭdu». A padčas pieradvybarčaj kampanii padtrymała kandydata Uładzimira Niaklajeva.
«Niama ab čym z vami havaryć»,
— tak adreahavaŭ Valeryj Čarapica na prośbu patłumačyć dla «NN» situacyju vakoł jaho aśpirantki.
Kančatkovaje rašeńnie pra dalejšaje naučańnie Taćciany Kasataj budzie pryniataje na nastupnym tydni. Ale sama dziaŭčyna nijakich iluzij nie maje na hety kont.
«Paśla razmoŭ z supracoŭnikami ŭniviersiteta ja zrazumieła, što rašeńnie budzie nie na maju karyść».
Taćciana Kasataja try hady adpracavała małodšym navukovym supracoŭnikam u Hrodzienskim historyka-archieałahičnym muziei. Paśla vybaraŭ administracyja muzieja papiaredziła dziaŭčynu, što pry lubym parušeńni dyscypliny jaje zvolniać. Pakolki parušeńniaŭ tak i nie było, jana pracavała da zakančeńnia kantrakta, jaki nie praciahnuli.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?12
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary