Pucin nahadaŭ Biełarusi, chto haspadar

Biełaruś pavinna vykonvać usie abaviazacielstvy, pryniatyja ŭ suviazi z akazańniem joj finansavaj dapamohi pa linii JeŭrAzES, zajaviŭ prem'jer-ministr Rasii Uładzimir Pucin 19 kastryčnika ŭ Sankt-Pieciarburhu na pasiadžeńni Miždziaržrady arhanizacyi.

«Vy viedajecie, što praca išła niaprosta, śpiecyjalisty na ekśpiertnym uzroŭni abmiarkoŭvali ŭmovy, na jakich heta [dapamoha] było b mahčyma. Chacieli b źviarnuć vašu ŭvahu na toje, kab hetyja ŭmovy, jakija ŭzhodnieny i biełaruskim bokam, i našymi ekśpiertami, vykonvalisia svoječasova. Razumiejem, jak heta niaprosta. Ale dla taho kab pryniatyja rašeńni spracavali efiektyŭna, heta treba vykonvać», — pryvodzić RIA Novosti słovy Pucina, źviernutyja da biełaruskaha kalehi Michaiła Miaśnikoviča.

«Usio vykonvajecca, i ŭsio budzie zroblena tak, jak my ŭziali na siabie abaviazacielstvy»,

Pucin nahadaŭ, što raniej Biełarusi było vydzielena prykładna 800 młn. dołaraŭ, a ciapier razhladajecca pytańnie ab vydzialeńni druhoha tranšu ŭ 445 młn. dołaraŭ.

Pucin taksama zajaviŭ, što ŭzajemadziejańnie ŭ miežach JeŭrAzES — biezumoŭny pryjarytet dla Rasii. Pavodle jaho słoŭ, z ulikam drennaj situacyi ŭ suśvietnaj ekanomicy i strukturnych dysbałansaŭ krainy JeŭrAzES pavinny pravodzić «vyvieranuju ŭzhodnienuju palityku i dakładnyja sumiesnyja dziejańni». Jon taksama adznačyŭ aktualnaść farmiravańnia sistemy ŭzajemnaj antykryzisnaj padtrymki.

***

U adpaviednaści z pahadnieńniem ab vydzialeńni Biełarusi kredytu JeŭrAzES u pamiery 3 młrd. dołaraŭ kraina atrymaje hrošy niekalkimi tranšami na praciahu troch hadoŭ: 1,24 młrd. dołaraŭ u 2011 hodzie, kala 800 młn. dołaraŭ — u 2012-m i 1 młrd. — u 2013-m.

Pieršyja 800 młn. dołaraŭ u miežach kredytu Biełaruś atrymała ŭ červieni. Druhaja častka kredytu abiacanaja vosieńniu. Dla jaje atrymańnia ŭładam Biełarusi treba vykanać šerah umoŭ, u tym liku pravodzić žorstkuju biudžetnuju palityku i pamienšyć deficyt biudžetu siektara dziaržkiravańnia.

8 lipienia vice-premjer RF Alaksiej Kudryn, adkazvajučy na pytańni žurnalistaŭ, nie vyklučyŭ, što ŭmovy davańnia Biełarusi stabilizacyjnaha kredytu z AKF buduć pierahledžanyja, kali biełaruski bok nie vykanaje ŭziatyja na siabie abaviazacielstvy. «U mianie skłałasia ŭražańnie, što biełaruskija ŭłady nie prymajuć dastatkova mier dla vychadu z kryzisu», — skazaŭ tady Kudryn.

Pavodle jaho słoŭ, administracyjnyja miery, jakija vykarystoŭvaje Minsk, nie pryviaduć da azdaraŭleńnia ekanomiki i nie mohuć razhladacca jak antykryzisnyja. Abmiežavańnie impartu, cen i valutnych kursaŭ padčas kryzisu niedapuščalnyja, padkreśliŭ Kudryn. Takim čynam «chvaroba zahaniajecca ŭhłyb», kanstatavaŭ na toj čas kiraŭnik Minfina RF.

Minfin Rasii pastajanna viadzie manitorynh vykanańnia prahramy reform biełaruskim bokam, a kančatkovaje rašeńnie pa pytańni biełaruskaha kredytu budzie pryniataje sumiesna krainami — členami Antykryzisnaha fondu JeŭrAzES.

• 0
• 0
• 0
• 0
• 0
• 0
• 0
• 0