Ambały ŭ cyvilnym pachapali junakoŭ, jakija skandavali «Svabodu palitviaźniam!»
U Minsku prajšła akcyja salidarnaści z palitviaźniami.
Siońniašniaja akcyja salidarnaści na Kastryčnickaj płoščy ŭ Minsku, jakuju ładziła «Jeŭrapiejskaja Biełaruś» była žorstka pierapynienaja.
Jak pieradaje karespandent «NN», jana pačałasia, a 19.00. Udzielniki akcyi stali hetym razam nie na Kastryčnickaj, a nasuprać, na inšym baku praśpiekta, pad trybunami. Ich było troje. Jany paśpieli tolki razharnuć partrety źniavolenych i vyhuknuć: "Svabodu palitviaźniam!". Praz chvilinu nabiehli asoby ŭ cyvilnym, schapili ŭdzielnikaŭ, zapichnuli ich u mikraaŭtobus i źjechali. Zatrymanyja aktyvisty "Jeŭrapiejskaj Biełarusi"
Siarhiej Łyskoŭ, Mikita Kavalenka, Alaksandr Vialitčanka.
Na Kastryčnickaj płoščy paśla zatrymańnia aktyŭnych udzielnikaŭ praciahvajuć dziažuryć cichary. Taksama jość apazicyjnaja moładź. Zaŭvažany i były palitviazień Vasil Parfiankoŭ.
Taksama, pavodle infarmacyi, niepadalok ad Kastryčnickaj byŭ zatrymany pradprymalnik Andrej Kabanaŭ.
Paźniej na Kastryčnickuju płošču pryjšli aktyvisty, jakija arhanizavali anałahičnuju akcyju na čyhunačnym vakzale Minska. Pavodle ich słovaŭ, 12 čałaviek z partretami palitviaźniaŭ stajali nasuprać centralnaha ŭvachoda ŭ vakzał. Za ich śpinami chadziŭ milicejski patrul, ale nikoha nie čapaŭ. Aktyvisty adznačyli, što płanujuć ładzić akcyi salidarnaści štodnia i inšymi sposabami raspaŭsiudžvać infarmacyju pra palitviaźniaŭ. Naprykład, źmiaščać ich partrety na rekłamnych tablicach vahonaŭ mietro.
Niesankcyjanavanyja akcyi salidarnaści prachodziać ad 21 kastryčnika. Prakuratura nieadnarazova papiaredžvała arhanizataraŭ.
Na kožnaj akcyi milicyja zatrymlivaje niešmatlikich udzielnikaŭ.
Tak, 25 kastryčnika vyjšli čatyry čałavieki, usiaho zatrymali šeść.
Zaraz za kratami znachodzicca 14 palitviaźniaŭ: u tym liku dvoje
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary