Rabotniki Homielskaha vahonaramontnaha zavoda patrabujuć pavysić zarobak na 100%
Pad zvarotam da administracyi padpisalisia kala tryccaci čałaviek.
Prykładna 30 čałaviek padpisalisia pad adozvaj da administracyi Homielskaha vahonaramontnaha zavoda z patrabavańniem pavysić zarpłatu, vyrašyć prablemy z umovami pracy i ŭkamplektavanaściu kadrami.
Jak paviedamiŭ BiełaPAN adzin ź inicyjataraŭ zboru podpisaŭ Dźmitryj Karaškoŭ, pad adozvaj, jakaja była pieradadziena 3 listapada, padpisalisia mašynisty ciepłavozaŭ, składalniki ciahnikoŭ transpartnaha cecha zavoda, a taksama hruzčyki. U adoźvie vykładziena prośba ŭ terminovym paradku razhledzieć pytańnie
ab pavyšeńni z 1 listapada zarpłaty na 100% abo praparcyjanalna aficyjnaj inflacyi ŭ Biełarusi.
«Maja apošniaja zarpłata — 1 młn. 200 tys. rubloŭ. U astatnich prykładna stolki ž. Našy kalehi ź inšych strukturnych padraździaleńniaŭ Biełaruskaj čyhunki atrymlivajuć u dva razy bolš, vykonvajučy tuju ž pracu. U našych pracoŭnych kantraktach skazana, što pradpryjemstva abaviazvajecca vypłačvać hrašovaje ŭznaharodžańnie nie mienšaje za toj uzrovień, jaki zabiaśpiečvaje hodnaje isnavańnie. Zaraz my hetaha nie bačym. Mnohija, pavieryŭšy našamu prezidentu, jaki abiacaŭ stabilnaść i zarpłatu ŭ 500 dołaraŭ, uziali kredyty, a raspłačvacca ŭ ciapierašnich umovach vielmi ciažka», — skazaŭ Karaškoŭ.
Pavodle jaho słoŭ, administracyja pakul nie adreahavała na adozvu.
Homielski vahonaramontny zavod imia Kalinina — pradpryjemstva pa ramoncie pasažyrskich vahonaŭ. Taksama zavod vyrablaje matavozy, zajmajecca vypuskam roznaj mietałapradukcyi.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary