Hrošy zapłaciać sponsary.
Sajuz piśmieńnikaŭ Biełarusi z 1 studzienia 2012 hoda zasnoŭvaje 10 stypiendyj maładym aŭtaram. Pra heta paviedamiŭ staršynia praŭleńnia HA «Sajuz piśmieńnikaŭ Biełarusi» Mikałaj Čarhiniec.
Ich vypłaciać za košt sponsarskich srodkaŭ.Materyjalnuju dapamohu atrymajuć najbolš talenavityja aŭtary. «Stypiendyi buduć vydavacca pad peŭnuju temu, moža, navat pad kankretnuju talenavituju hałavu. Heta stanie stymułam dla stvareńnia novych cikavych tvoraŭ», — ličyć Mikałaj Čarhiniec.
Havoračy pra sučasny etap raźvićcia litaratury, Mikałaj Čarhiniec nazvaŭ jaho pieryjadam pieraasensavańnia mnohich pracesaŭ. «My nie možam adkazać na zaklik: «Dajcie nam „Cichi Don“ i „Uźniatuju calinu“, abo „Vajnu i mir“! Našy piśmieńniki ŭžo stvaryli „Vajnu i mir“, kali ŭziać tvory Tanka, Šamiakina, Mieleža i inšych. I heta litaratura nie moža paŭtaracca, źmianiŭsia čas. Ja nie maju na ŭvazie, što my nie možam vychavać novyja talenty. Viadoma ž, jany ŭ nas źjaviacca, nie buduć jany pa proźvišču Kołas ci Kupała, a buduć, naprykład, Paškoŭ, Piatroŭ abo Ivanoŭ. Staić zadača stvaryć płatformu, jakaja daść mahčymaść talentam prajaŭlacca, piśmieńnikam pisać i ludziam paciahnucca da knihi, vydadzienaj ŭžo ŭ novym farmacie. Pieryjad, pačynajučy z 1985 hoda, „zahnaŭ u ziamlu“ šmatlikija i idei, i razvažańni, i aŭtaraŭ. Ale ja ŭpeŭnieny: u nas jość piśmieńniki, jakich nazavuć z časam vialikimi. Jany, mahčyma, pa ŭzrostu jašče nie zusim vyjšli na taki „absiah“, ale jany jość i jany buduć», — upeŭnieny Mikałaj Čarhiniec.
Ciapier čytajuć
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary