Iryna Chalip atrymała list padtrymki ad žonki prezidenta Polščy

Žurnalistka Iryna Chalip, žonka eks-kandydata ŭ prezidenty Andreja Sańnikava, atrymała list ad žonki prezidenta Polščy Hanny Kamaroŭskaj.

«Pa kanałach dypłamatyčnaj pošty hety list pastupiŭ u pasolstva Polščy ŭ Minsku. Viečaram 2 śniežnia pasoł Lešak Šierepka zaprasiŭ mianie ŭ dypmisiju i ŭručyŭ list», — raskazała Chalip.

Pavodle jaje słoŭ, heta «vielmi čullivy list», u jakim Kamaroŭska ŭspaminaje časy «Salidarnaści» ŭ Polščy. «U tyja ciažkija časy našy siemji pieražyli aryšty, turmy i interniravańnie padčas vajennaha stanovišča. Ciapier, na žal, u takim ža biadotnym stanoviščy apynulisia biełaruskija siemji», — havorycca ŭ liście.

Žonka polskaha prezidenta taksama adznačyła, što

Polšča budzie praciahvać patrabavać vyzvaleńnia palitźniavolenych u Biełarusi.

«Ja jašče raz pierakanałasia, što tema biełaruskich palitźniavolenych nie zabytaja. Baraćba praciahvajecca», — skazała Chalip.

Jana taksama adznačyła, što ŭ jaje niama «naohuł nijakich navin ad Sańnikava», jaki ŭ kancy listapada byŭ pieraviedzieny ŭ papraŭčuju kałoniju «Vićba-3». «Učora pavinien byŭ zakončycca termin karancina, — skazała Chalip. — Siońnia budziem sustrakacca z advakatam, abmiarkoŭvać, kali jon pajedzie da Sańnikava».

***

14 maja 2011 hoda sud Partyzanskaha rajona Minska pryhavaryŭ Andreja Sańnikava da piaci hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu za arhanizacyju masavych biesparadkaŭ 19 śniežnia 2010 hoda. Adbyvać pakarańnie palityk pavinien byŭ u papraŭčaj kałonii Navapołacka, kudy prybyŭ u kancy lipienia, adnak 20 vieraśnia jaho biez tłumačeńnia pryčyn i biez bačnych padstaŭ etapiravali ŭ kałoniju № 2 Babrujska.

16 listapada stała viadoma, što Sańnikava etapiravali z babrujskaj kałonii, ale kudy mienavita — nie paviedamili ni svajakam, ni advakatam. 17 listapada Irynie Chalip udałosia trapić na pryjom da časovaha vykanaŭcy pasady načalnika departamienta vykanańnia pakarańniaŭ MUS Siarhieja Pracenki, jaki paviedamiŭ, što jaje muža pieravodziać u inšuju kałoniju ŭ suviazi z tym, što tamu nibyta pahražaje niebiaśpieka. Jon taksama zajaviŭ, što Sańnikava buduć etapiravać praz mahiloŭskuju turmu ŭ Viciebskuju vobłaści, adnak u jakoj mienavita kałonii palityk budzie adbyvać pakarańnie, nie paviedamiŭ.

24 listapada stała viadoma, što Sańnikaŭ pieraviedzieny ŭ «Vićbu-3».

• 0
• 0
• 0
• 0
• 0
• 0
• 0
• 0