Šatłandskaja nacyjanalnaja partyja spadziajecca vyjhrać refierendum za adździaleńnie ad Vialikabrytanii.
Šatłandskaja nacyjanalnaja partyja (ŠNP) spadziajecca vyjhrać refierendum za adździaleńnie ad Vialikabrytanii i dałučeńnie da koła skandynaŭskich krain, piša siońniašniaja «The Independent».
Niezaležnaja Šatłandyja maje namier stać skandynaŭskaj krainaj z ułasnymi armijaj, fłotam i vajskova-pavietranymi siłami na ŭzor paŭnočnych susiedziaŭ. Takuju ideju ŠNP planuje prapanavać šatłandcam na refierendumie ŭ 2014 ci 2015 hodzie.
ŠNP choča, kab niezaležnaja Šatłandyja dałučyłasia da poŭnačy i ŭschodu Jeŭropy ŭ spravach partniorstva, handlu i abarony, a nie zasiarodžvałasia na krainach Zachodniaj Jeŭropy i ES, jak heta robić ciapier Vialikabrytanija.
Kiraŭniki ŠNP, u tym liku Aleks Sałmond, za apošnija hady zrabili niekalki pajezdak u Skandynaviju i sustrakalisia tam ź ministrami dy inšymi słužbovymi asobami, imknučysia prakłaści šlachi dla ščylniejšaha supracoŭnictva, asabliva ŭ halinie enierhietyki. Užo siońnia składzienyja plany elektraenerhietyčnaj supiersietki pamiž Šatłandyjaj i Narviehijaj.
Stratehi ŠNP śćviardžajuć, što Šatłandyja pa-raniejšamu budzie najbujniejšym handlovym partnioram Vialikabrytanii, ale jany taksama ličać, što Šatłandyja maje bolš ahulnaha sa svaimi skandynaŭskimi susiedziami.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary