Labiedźka: U AHP upieršyniu niama nijakaj cikavaści brać udzieł u parłamienckich vybarach
U Abjadnanaj hramadzianskaj partyi «ŭpieršyniu niama nijakaj cikavaści brać udzieł u parłamienckich vybarach», zajaviŭ lidar partyi Anatol Labiedźka 19 śniežnia na pasiadžeńni kruhłaha stała, pryśviečanaha hadavinie prezidenckich vybaraŭ u Biełarusi.
Nahadajem, parłamienckija vybary pavinny prajści vosieńniu 2012 hoda.
AHP skłała śpis tych, chto žadaje brać udzieł u parłamienckich vybarach u jakaści kandydataŭ u deputaty. «U hetym śpisie niama lidaraŭ partyi. Najbolš mocnyja i viadomyja lidary AHP nie buduć brać udzieł u vybarach», — zaznačyŭ jon.
Tym nie mienš, skazaŭ Labiedźka, AHP budzie vykarystoŭvać vybarčuju kampaniju ŭ infarmacyjnych metach. «Padčas kampanii my budziem danosić da ludziej antykryzisnuju prahramu AHP, „Małuju Kanstytucyju“ i inšyja raspracoŭki AHP», — zaznačyŭ jon.
Jak zajaviŭ Labiedźka, u pytańni ŭdziełu abo niaŭdziełu ŭ vybarach u parłamient u 2012 hodzie partyja budzie vyrašać niekalki zadač. Adnosna ŭnutranaj biełaruskaj situacyi — pakazać adzinstva subjektaŭ kaalicyi demakratyčnych partyj. Tamu ahulnaje rašeńnie, jakoje jašče budzie vypracavana adnosna parłamienckich vybaraŭ u miežach «kaalicyi šaści», my padpišam. Adnosna mižnarodnaj reakcyi na hetyja vybary naša zadača — dać ahulnuju acenku situacyi z vybarami ŭ Biełarusi naohuł, pačynajučy ad acenki ahulnaj palityčnaj situacyi, u jakich jany prachodziać, da ŭmoŭ praviadzieńnia hetych vybaraŭ», — skazaŭ Labiedźka.
Na jaho dumku, mižnarodnyja arhanizacyi, pieradusim ABSIE, pavinny mieć «ahulnuju acenku taho, što adbyvajecca ŭ Biełarusi». «Naša zadača — pakazać nielehitymnaść vybaraŭ u pryncypie», — zaznačyŭ jon.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary