Rodnyja Bialackaha prosiać DVP adpuścić pravaabaroncu na pachavańnie baćki
Ale šancy minimalnyja, miarkujuć kalehi.
Rodnyja Alesia Bialackaha prosiać departamient vykanańnia pakarańniaŭ (DVP) MUS adpuścić asudžanaha pravaabaroncu na pachavańnie jaho baćki.
Viktar Uścinavič Bialacki pamior 24 śniežnia na
Pachavańnie projdzie 27 śniežnia ŭ Śvietłahorsku (Homielskaja vobłaść),paviedamiŭ BiełaPAN kaleha Bialackaha Valancin Stefanovič.
Nahadajem, na minułym tydni rodnyja Bialackaha prasili adpuścić jaho raźvitacca z pamirajučym baćkam. 19 śniežnia sud Pieršamajskaha rajona daŭ dazvoł na spatkańnie Bialackaha z baćkam. Adnak u śledčym izalatary Žodzina, dzie ciapier znachodzicca Bialacki, zajavili, što papiery aformleny nienaležnym čynam. Akramia taho, u administracyi SIZA zajavili, što ŭ ich niama mahčymaści kanvairavać Bialackaha ŭ Minsk i arhanizavać biaśpieku.
DVP i sud Pieršamajskaha rajona žoncy Bialackaha, Natalli Pinčuk, zajavili: u adpaviednaści z zakonam «asoba, jakaja ŭtrymlivajecca pad vartaj, maje prava na znosiny z abaroncami, spatkańnie ź blizkimi svajakami i členami siamji ŭ adpaviednaści z zakanadaŭstvam Respubliki Biełaruś u pryznačanych dla hetych metaŭ pamiaškańniach miescaŭ utrymańnia pad vartaj; inšaha paradku pradastaŭleńnia spatkańnia asobam, u dačynieńni da jakich pryhavor na nabyŭ zakonnuju moc, nie praduhledžana».Sproba pieraaformić dazvoł była biespaśpiachovaj.
24 śniežnia Natalla Pinčuk znoŭ źviarnułasia ŭ DVP. «Na hety raz — z prośbaj adpuścić Bialackaha na pachavańnie baćki», — skazaŭ Stefanovič.
Šansy na stanoŭčaje rašeńnie jon ličyć minimalnymi.
* * *
Kamientary