Але шанцы мінімальныя, мяркуюць калегі.
Родныя Алеся Бяляцкага просяць дэпартамент выканання пакаранняў (ДВП) МУС адпусціць асуджанага праваабаронцу на пахаванне яго бацькі.
Віктар Усцінавіч Бяляцкі памёр 24 снежня на
Пахаванне пройдзе 27 снежня ў Светлагорску (Гомельская вобласць),паведаміў БелаПАН калега Бяляцкага Валянцін Стэфановіч.
Нагадаем, на мінулым тыдні родныя Бяляцкага прасілі адпусціць яго развітацца з паміраючым бацькам. 19 снежня суд Першамайскага раёна даў дазвол на спатканне Бяляцкага з бацькам. Аднак у следчым ізалятары Жодзіна, дзе цяпер знаходзіцца Бяляцкі, заявілі, што паперы аформлены неналежным чынам. Акрамя таго, у адміністрацыі СІЗА заявілі, што ў іх няма магчымасці канваіраваць Бяляцкага ў Мінск і арганізаваць бяспеку.
ДВП і суд Першамайскага раёна жонцы Бяляцкага, Наталлі Пінчук, заявілі: у адпаведнасці з законам «асоба, якая ўтрымліваецца пад вартай, мае права на зносіны з абаронцамі, спатканне з блізкімі сваякамі і членамі сям’і ў адпаведнасці з заканадаўствам Рэспублікі Беларусь у прызначаных для гэтых мэтаў памяшканнях месцаў утрымання пад вартай; іншага парадку прадастаўлення спаткання асобам, у дачыненні да якіх прыгавор на набыў законную моц, не прадугледжана».Спроба перааформіць дазвол была беспаспяховай.
24 снежня Наталля Пінчук зноў звярнулася ў ДВП. «На гэты раз — з просьбай адпусціць Бяляцкага на пахаванне бацькі», — сказаў Стэфановіч.
Шансы на станоўчае рашэнне ён лічыць мінімальнымі.
* * *
Цяпер чытаюць
Іх Зарэцкая: дэпутат-ябацька Алег Навіцкі кінуў беларускіх інвестараў на мільёны даляраў. Дэталі схемы1
Каментары