Rolik trapiŭ na adzin z amierykanskich sajtaŭ, dzie pra vypadak napisali, jak pra «zdareńnie ŭ Rasii».
Videa, na jakim bačna, jak na vulicy Lenina ŭ Baranavičach ź lehkavika na chadu vyvalvajecca pasažyr, trapiła na YouTube. Partał Auto.onliner.by pasprabavaŭ razabracca ŭ pryčynach niezvyčajnaha zdareńnia. Incydent adbyŭsia 21 śniežnia.
Videa było zroblena z dapamohaj videarehistratara aŭtamabila, jaki jechaŭ akurat za «Roveram», ź jakoha i vypaŭ pasažyr. Aŭtar rolika śćviardžaje, što ŭ tym lehkaviku jechała niećviarozaja kampanija. Pasažyr, jaki siadzieŭ na zadnim siadzieńni sprava, u peŭny momant vyrašyŭ vyjści, nie čakajučy spynieńnia aŭto. Na videa bačna, što paśla padzieńnia «Rover» spyniŭsia, adzin z pasažyraŭ padbieh da «kaskadziora» i ŭdaryŭ jaho nahoj.
U pres-słužbie Baranavickaha RAUS partału paviedamili, što padobny vypadak u milicyi nie rehistravaŭsia.
Auto.onliner.by adznačaje, što kurjoznaje videa z Baranavičaŭ trapiła na amierykanski sajt Worldcarfans.com, dzie navat prapanavali pravieści konkurs, adkazaŭšy na pytańnie, što skazaŭ małady čałaviek, pierš čym apynucca na asfalcie.
Varta adznačyć, što ŭ paviedamleńni pra vypadak u Baranavičach amierykanski sajt pabłytaŭ Biełaruś z Rasijaj. Pra što i nahadali čytačy ŭ kamientarach.
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary