Biełaruś na praciahu bolš čym paŭhoda zastajecca lidaram siarod šerahu krain SND i Jeŭropy pa roście spažyvieckich cen. Paraŭnalnyja źviestki apublikavaŭ Nacyjanalny statystyčny kamitet.
Tak, u Biełarusi rost spažyvieckich cen u listapadzie adnosna kastryčnika skłaŭ 8,1%. U toj čas jak va Ukrainie, Finlandyi, Estonii — 0,1%, Litvie — 0,2%, Bałharyi — 0,3%, Rasii, Ispanii i Čechii — 0,4%, Słavakii — 0,5%, Kazachstanie — 0,6%, Vienhryi — 0,7%, Turcyi — 1,7%.
U šerahu krain inflacyi nie było, spažyvieckija ceny zastalisia na raniejšym uzroŭni: u Hiermanii, Irłandyi, Łatvii, Narviehii. U Italii ceny źnizilisia na 0,1%.
Biełaruś apynułasia ŭ lidarach pa roście cen u listapadzie na pradukty charčavańnia i biezałkaholnyja napoi — 6,2%. Niaznačna padnialisia ceny: u Ispanii — na 0,2%, Hiermanii — na 0,4%, Litvie, Słavakii, Rasii i Bałharyi — na 0,5%, Estonii — na 0,6%, Italii — na 0,7%, Kazachstanie — na 0,9%. Taksama ceny padnialisia: u Polščy — na 1,2%, Finlandyi — na 1,3%, Vienhryi — na 1,4%, Čechii — na 1,6%, Turcyi — na 3,3%. Nie źmianilisia ceny ŭ Irłandyi, Łatvii, Ukrainie. Źnizilisia na 0,6% ceny ŭ Narviehii.
Taksama ŽKP padaraželi: u Słavakii i Irłandyi — na 0,1%, Ispanii i Rasii — na 0,2%, Vienhryi i Hiermanii — na 0,3%, Kazachstanie — na 0,4%, Italii — na 0,5%, Turcyi i Čechii — na 0,6%, Bałharyi i Narviehii — na 0,8%, Litvie — na 0,9%. Ceny źnizilisia: u Łatvii — na 0,2%, Ukrainie i Estonii — na 0,1%, Finlandyi — na 0,4%.Biełaruś zaniała pieršaje miesca pa roście cen u listapadzie na žyllovyja pasłuhi, elektryčnaść, haz z pakazčykam 9,1%.
Kamientary