Беларусь на працягу больш чым паўгода застаецца лідарам сярод шэрагу краін СНД і Еўропы па росце спажывецкіх цэн. Параўнальныя звесткі апублікаваў Нацыянальны статыстычны камітэт.
Так, у Беларусі рост спажывецкіх цэн у лістападзе адносна кастрычніка склаў 8,1%. У той час як ва Украіне, Фінляндыі, Эстоніі — 0,1%, Літве — 0,2%, Балгарыі — 0,3%, Расіі, Іспаніі і Чэхіі — 0,4%, Славакіі — 0,5%, Казахстане — 0,6%, Венгрыі — 0,7%, Турцыі — 1,7%.
У шэрагу краін інфляцыі не было, спажывецкія цэны засталіся на ранейшым узроўні: у Германіі, Ірландыі, Латвіі, Нарвегіі. У Італіі цэны знізіліся на 0,1%.
Беларусь апынулася ў лідарах па росце цэн у лістападзе на прадукты харчавання і безалкагольныя напоі — 6,2%. Нязначна падняліся цэны: у Іспаніі — на 0,2%, Германіі — на 0,4%, Літве, Славакіі, Расіі і Балгарыі — на 0,5%, Эстоніі — на 0,6%, Італіі — на 0,7%, Казахстане — на 0,9%. Таксама цэны падняліся: у Польшчы — на 1,2%, Фінляндыі — на 1,3%, Венгрыі — на 1,4%, Чэхіі — на 1,6%, Турцыі — на 3,3%. Не змяніліся цэны ў Ірландыі, Латвіі, Украіне. Знізіліся на 0,6% цэны ў Нарвегіі.
Таксама ЖКП падаражэлі: у Славакіі і Ірландыі — на 0,1%, Іспаніі і Расіі — на 0,2%, Венгрыі і Германіі — на 0,3%, Казахстане — на 0,4%, Італіі — на 0,5%, Турцыі і Чэхіі — на 0,6%, Балгарыі і Нарвегіі — на 0,8%, Літве — на 0,9%. Цэны знізіліся: у Латвіі — на 0,2%, Украіне і Эстоніі — на 0,1%, Фінляндыі — на 0,4%.Беларусь заняла першае месца па росце цэн у лістападзе на жыллёвыя паслугі, электрычнасць, газ з паказчыкам 9,1%.
Цяпер чытаюць
За забойства чалавека ў ІЧУ Барысава арыштавалі двух зэкаў-рэцыдывістаў і 26‑гадовага міліцыянера Кляшчонка6
Каментары