Maci Uładzisłava Kavalova raźličvaje na atrymańnie spatkańniaŭ z synam dla siabie i dački
16 studzienia maci pryhavoranaha da śmiarotnaj kary za saŭdzieł u teraryźmie Uładzisłava Kavalova pieradaść u śledčy izalatar KDB zajavu na spatkańni z synam. Jak paviedamiła Luboŭ Kavalova, jana raźličvaje atrymać dazvoły na sustrečy z Uładzisłavam spačatku dla jaho siastry Taćciany, a potym dla siabie.
Raniej maci asudžanaha źviartałasia z takimi zajavami ŭ Viarchoŭny sud. Adnak zaraz stała viadoma, što davańnie spatkańniaŭ na hetaj stadyi znachodzicca ŭ kampietencyi administracyi SIZA.
Na sustreču z synam 17 studzienia, u dzień jaho naradžeńnia, Kavalova ŭžo praktyčna nie raźličvaje.Pavodle słoŭ maci asudžanaha, administracyja SIZA abaviazana dać joj spatkańnie adzin raz u miesiac. Adnak hetaje spatkańnie karotkaterminovaje, i Kavalova aścierahajecca, što jano moža być takim ža, jak i ŭ śniežni. Tady maci zmahła pahutaryć z synam 30 chvilin, a siastra z bratam — 10 chvilin.
Nahadajem, 16 studzienia zakančvajecca termin aznajamleńnia Uładzisłava Kavalova i jaho advakata Stanisłava Abrazieja z pratakołami sudovych pasiadžeńniaŭ.Jak paviedamlałasia raniej, pavodle vynikaŭ hetaj pracy mohuć być padrychtavany zaŭvahi ŭ Viarchoŭny sud.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5353
Kamientary