Radzina: Šunievič «razmaŭlaŭ» z palitviaźniami ŭ turmie KDB
Dopyt jon pravodziŭ nie ŭ śpiecyjalnym pakoi pry SIZA, a ŭ kabiniecie načalnika turmy.
«Novy namieśnik ministra ŭnutranych spraŭ Ihar Šunievič dapytvaŭ nas, palitviaźniaŭ, u turmie KDB paśla aryštu 19 śniežnia, — piša redaktarka sajta Charter97.org Natalla Radzina. — Da pryznačeńnia na novuju pasadu Ihar Šunievič byŭ načalnikam upraŭleńnia pa baraćbie z karupcyjaj i arhanizavanaj złačynnaściu KDB. Ale
pra heta ja daviedałasia tolki siońnia, kali ŭbačyła fatahrafiju čałavieka, jaki tak apieratyŭna zamianiŭ Aleha Piakarskaha.
Ihar Šunievič ja ŭbačyła ŭpieršyniu ŭ siaredzinie studzienia ŭ turmie KDB. Mianie vyklikali da jaho na dopyt ŭžo paśla adboja ŭ 22.00. Farmalna heta byŭ nie dopyt, a «razmova», bo prachodziła jana biez advakata. Takich «hutarak» u turmie KDB było šmat, u adroźnieńnie ad realnych dopytaŭ z advakatami. Advakataŭ u turmu KDB nie puskali, i nas presavali voś na takich «viačorkach».
Šunievič adrazu zajaviŭ, što nie skaža, ź jakoha jon viedamstva, i vielmi nastojliva prasiŭ nikomu nie raspaviadać ab našaj ź im «hutarcy».
Ščyra kažučy, ja była ŭpeŭniena, što jon z kontrraźviedki.Dopyt jon pravodziŭ nie ŭ śpiecyjalnym pakoi pry SIZA, a ŭ kabiniecie načalnika turmy.
Što cikaviła, jak vyśvietliłasia ciapier, načalnika ŭpraŭleńnia pa baraćbie z karupcyjaj i arhanizavanaj złačynnaściu KDB?
U samym pačatku dopytu ja, zmardavanaja za dzień dźviuma takimi «hutarkami» z apieratyŭnikam i načalnikam turmy i adnym dopytam sa śledčym, adrazu zajaviła: «Nie treba mianie vierbavaći patrabavać pakazańniaŭ suprać Andreja Sańnikava i Źmitra Bandarenki!». Šunievič adrazu zajaviŭ, što «ŭžo vierbavać jon mianie dakładna nie źbirajecca». I naahuł, adznačyŭ jon, nie praca sajta charter97.org cikavić śledčych KDB, a jaho cikaviać «značna bolš surjoznyja rečy».
Cikavili jaho zusim niejmaviernyja rečy: suviazi kandydataŭ u prezidenty z Polščaj, Hiermanijaj i susiednimi Rasiejaj i Ukrainaj.Naturalna, dapamahčy jamu ŭ hetym pytańni ja nijak nie mahła.
Jašče jaho vielmi cikavili aśpiekty pryvatnaha žyćcia Andreja Sańnikava, u pryvatnaści adna viačera napiaredadni prezidenckich vybaraŭ u biznesoŭca Paŭła Maryniča, na jakoj ja prysutničała. Skažu ščyra jašče raz — my prosta jeli płoŭ i pieravarot nie zadumlali.
Dapytvajučy mianie, Šunievič skazaŭ, što ŭžo «hutaryŭ» z Andrejem Sańnikavym i Irynaj Chalip.
«My padazrajem ŭmiašańnie źniešnich sił!» — skazaŭ Ihar Šunievič padčas dopytu kiraŭnika vybarčaha štaba Andreja Sańnikava Uładzimira Kobieca. Heta Vałodzia mnie raspavioŭ užo, kali zmoh źbiehčy ź Biełarusi.
Ihar Šunievič byŭ taksama zaŭvažany padčas suda nad
Radzina pryhadvaje, što «paśla načnoha dopytu Šunievič skazaŭ, što ad jaho mierkavańnia budzie zaležać, ci vyjdu ja na volu».
-
Staś Karpaŭ: Ja zaŭvažyŭ try Maryi
-
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
-
«Ja tolki nie razumieju, dla kaho pabudavali AES?» Daŭno nijakaja tema nie vyklikała takich emocyj, jak adklučeńnie śviatła na zahad Łukašenki
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal1
Kamientary