Za apošni tydzień u Biełarusi adznačany «niaznačny» rost zachvorvańnia na vostryja reśpiratornyja infiekcyi siarod dziaciej.
Pry hetym u cełym u Biełarusi zachoŭvajecca nizki ŭzrovień aktyŭnaści VRI,vyklikanych niehrypoznymi reśpiratornymi virusami, paviedamlaje sajt Ministerstva achovy zdaroŭja.
«Epidemijałahičnaja situacyja pa zachvorvańni na vostryja reśpiratornyja infiekcyi znachodzicca na pastajannym kantroli Ministerstva achovy zdaroŭja, ale razam z tym mnohaje zaležyć ad staŭleńnia kožnaha čałavieka da ŭłasnaha zdaroŭja i ludziej, što jaho akružajuć «, — adznačaje
Ministerstva achovy zdaroŭja nahadvaje pra nieabchodnaść vykanańnia elemientarnych prafiłaktyčnych mier.Rekamiendujecca paźbiahać blizkaha kantaktu ź ludźmi, jakija zdajucca niezdarovymi; skaracić čas znachodžańnia ŭ šmatludnych miescach; čaściej myć ruki i pravietryvać pamiaškańnie; vykarystoŭvać achoŭnyja maski pry kantakcie z chvorym. Važna taksama vieści zdarovy ład žyćcia, jaki praduhležvaje paŭnacenny son, racyjanalnaje charčavańnie, fizičnuju aktyŭnaść i prahułki na śviežym pavietry.
Pavodle danych štotydniovaha biuletenia Suśvietnaj arhanizacyi achovy zdaroŭja, uzroŭni ambułatornaha zvarotu ŭ suviazi z VRI zastajucca nizkimi pa ŭsim jeŭrapiejskim rehijonie, jak heta zvyčajna nazirajecca
Aktyŭnaść hrypu ŭ rehijonach paŭnočnaha paŭšarja z umieranym klimatam zastajecca nižejšaj za siezonny hraničny ŭzrovień, adnak u niekatorych rajonach Kanady, Jeŭropy (Ispanija i Turcyja), paŭnočnaj Afryki (Tunis i Ałžyr) i Blizkaha Uschodu (Iran) adznačajecca prykmietny rost aktyŭnaści.
Heta, vidać, aznačaje pačatak siezona pieradačy hrypu.
Virusy, jakija vyjaŭlalisia va ŭmieranym pojasie paŭnočnaha paŭšarja, adnosilisia hałoŭnym čynam da subtypu A (H3N2). U apošnija tydni taksama adznačana «vielmi nievialikaja» kolkaść vypadkaŭ vyjaŭleńnia hrypu A (H1N1), jaki byŭ u 2009 hodzie pandemičnym.
Aktyŭnaść hrypu ŭ krainach umieranaha pojasa paŭdniovaha paŭšarja znachodzicca na mižsiezonnym uzroŭni, adnak Kitaj i Aŭstralija paviedamili pra ŭstojlivuju pieradaču hrypu A (H3N2) pry mienšaj kolkaści vypadkaŭ vyjaŭleńnia hrypu typu B u Aŭstralii.
Ciapier čytajuć
Połk Kalinoŭskaha paviedamiŭ pra hibiel troch bajcoŭ3
Kamientary