За апошні тыдзень у Беларусі адзначаны «нязначны» рост захворвання на вострыя рэспіраторныя інфекцыі сярод дзяцей.
Пры гэтым у цэлым у Беларусі захоўваецца нізкі ўзровень актыўнасці ВРІ,выкліканых негрыпознымі рэспіраторнымі вірусамі, паведамляе сайт Міністэрства аховы здароўя.
«Эпідэміялагічная сітуацыя па захворванні на вострыя рэспіраторныя інфекцыі знаходзіцца на пастаянным кантролі Міністэрства аховы здароўя, але разам з тым многае залежыць ад стаўлення кожнага чалавека да ўласнага здароўя і людзей, што яго акружаюць «, — адзначае
Міністэрства аховы здароўя нагадвае пра неабходнасць выканання элементарных прафілактычных мер.Рэкамендуецца пазбягаць блізкага кантакту з людзьмі, якія здаюцца нездаровымі; скараціць час знаходжання ў шматлюдных месцах; часцей мыць рукі і праветрываць памяшканне; выкарыстоўваць ахоўныя маскі пры кантакце з хворым. Важна таксама весці здаровы лад жыцця, які прадуглежвае паўнацэнны сон, рацыянальнае харчаванне, фізічную актыўнасць і прагулкі на свежым паветры.
Паводле даных штотыднёвага бюлетэня Сусветнай арганізацыі аховы здароўя, узроўні амбулаторнага звароту ў сувязі з ВРІ застаюцца нізкімі па ўсім еўрапейскім рэгіёне, як гэта звычайна назіраецца
Актыўнасць грыпу ў рэгіёнах паўночнага паўшар’я з умераным кліматам застаецца ніжэйшай за сезонны гранічны ўзровень, аднак у некаторых раёнах Канады, Еўропы (Іспанія і Турцыя), паўночнай Афрыкі (Туніс і Алжыр) і Блізкага Усходу (Іран) адзначаецца прыкметны рост актыўнасці.
Гэта, відаць, азначае пачатак сезона перадачы грыпу.
Вірусы, якія выяўляліся ва ўмераным поясе паўночнага паўшар’я, адносіліся галоўным чынам да субтыпу A (H3N2). У апошнія тыдні таксама адзначана «вельмі невялікая» колькасць выпадкаў выяўлення грыпу A (H1N1), які быў у 2009 годзе пандэмічным.
Актыўнасць грыпу ў краінах умеранага пояса паўднёвага паўшар’я знаходзіцца на міжсезонным узроўні, аднак Кітай і Аўстралія паведамілі пра ўстойлівую перадачу грыпу A (H3N2) пры меншай колькасці выпадкаў выяўлення грыпу тыпу B у Аўстраліі.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?20
Каментары