Jon naležyć iranskamu banku «Tedžarat», jaki padazrajecca ŭ finansavańni jadziernaj prahramy Irana.
Ministerstva finansaŭ ZŠA abviaściła pra ŭviadzieńnie sankcyj suprać treciaha pa vieličyni iranskaha banka «Tedžarat» i afilavanaha ź im «Trejd kepitał bank» (ZAT «TK Bank»), raźmieščanaha ŭ Minsku. Pavodle zajavy amierykanskich uładaŭ,
hetyja banki dapamahali ŭradu Irana abyjści ŭžo ŭviedzienyja sankcyi i finansavać jadziernuju prahramu.Aktyvy «Tedžarata» ŭ bankaŭskaj sistemie ZŠA buduć zamarožany.
«Hety krok umacuje finansavuju izalacyju Irana i jašče macniej uskładnić finansavańnie niezakonnaj jadziernaj prahramy», — rastłumačyŭ pradstaŭnik Ministerstva finansaŭ ZŠA Devid Koen.
Dola banka «Tedžarat» u kapitale ZAT «TK Bank» składaje 99,89%.
Kamientary