Kitajcy zatrymlivajuć pastaŭki abstalavańnia dla cemientavych zavodaŭ
Kiraŭnik Biełarusi Alaksandr Łukašenka ŭkazam № 42 ad 19 studzienia 2012 zaćvierdziŭ bolš poźnija terminy ŭviadzieńnia ŭ stroj novych technałahičnych linij pa vytvorčaści cemientu suchim sposabam mahutnaściu 1,8 miljona ton u hod kožnaja na troch cemientnych zavodach krainy.
U adpaviednaści z dakumientam, technałahičnaja linija pa vytvorčaści cemientu suchim sposabam na Biełaruskim cemientnym zavodzie (BCZ, Kaściukovičy, Mahiloŭskaja vobłaść) budzie ŭviedzienaja da 1 lipienia 2012 (raniej byŭ ustalavany termin da 1 listapada 2011), na AAT «Krasnasielskbudmateryjały» (Vaŭkavysk, Hrodzienskaja vobłaść) — da 1 maja 2012 (raniej — da 1 studzienia 2012), na pradpryjemstvie «Kryčaŭcemientnašyfier» (Mahiloŭskaja vobłaść) — da 1 lipienia 2012 (raniej — da 1 krasavika 2012).
Akramia taho, ukaz ustaloŭvaje, što ŭ 2012 hodzie pavinna być ažyćcioŭlena raźvićcio karjeraŭ na radoviščy «Krynica» Mastoŭskaha i Vaŭkavyskaha rajonaŭ dla AAT «Krasnasielskbudmateryjały».
Taksama dakumientam ustalavana, što dziaržpradpryjemstva «Biełaruśhandal» Kiraŭnictva spravami prezidenta Biełarusi vyzvalajecca ad vypłaty mytaŭ i PDV pry ŭvozie kamiennaha vuhalu, pryznačanaha dla vytvorčaści cemientu na biełaruskich cemientnych zavodach, z 1 krasavika 2011 hoda pa 30 vieraśnia 2012 (raniej — da 31 sakavika 2012).
Chod budaŭnictva technałahičnych linij ažyćciaŭlaŭsia vielmi pavolna praz zatrymki pastaŭki abstalavańnia kitajskimi pastaŭščykami. U budaŭnictva druhoj linii pa vytvorčaści cemientu na BCZ płanavałasia ŭkłaści 550 młrd biełaruskich rubloŭ (66 młn dalaraŭ pa kursie Nacbanka Biełarusi), u budaŭnictva linii i vuhalnaha adździaleńnia pradpryjemstva «Kryčaŭcemientnašyfier» — 750 młrd biełaruskich rubloŭ, u budaŭnictva linii pa vytvorčaści klinkieru na AAT «Krasnasielskbudmateryjały» — 445 młrd biełaruskich rubloŭ.
Kamientary